Fortíðarlandið

Rakst á eftirfarandi pistil  á netinu -- verð að afrita hann hingað!

 

"Þjóðarsáttmáli Fortíðarlandsins:

-Við heitum því að nýta okkur aldrei nokkurn snefil af tækninýjungum eða hátækni
-Við heitum því að leggja niður allar virkjanir og hætta umsvifalaust allri orkunotkun á Íslandi
-Við heitum því að stunda einvörðungu sjálfsþurftarbúskap og snerta ekki auðlindir landsins
-Við heitum því að gera Ísland aftur að fátækustu og vanþróuðustu þjóð Evrópu líkt og við vorum fyrir 100 árum!

Látum nú hendur standa fram úr ermum góðir íslendingar og skrifum undir þjóðarsáttmála Fortíðarlandsins. Við megum ekki láta glepjast af gylliboðum hátæknialdarinnar og þeytast áfram upp lista Sameinuðu þjóðanna yfir lífskjör og gæði, látum staðar numið og snúum aftur á slóðir forfeðranna, aftur til fornalda!

Sjálfsþurftarbúskapur eða dauði!
-Fortíðarlandið"

 

Og í ritskýringu var spurt, hvort þetta minni ekki svolítið á ónefndan stjórnmálaflokk?

Athugasemdir

[Guðmundur Ragnar Björnsson, 28.3.2007 kl. 17:08]

Þetta á betur við suma flokka en aðra amk.

[Snorri Bergz, 28.3.2007 kl. 17:12]

Já, sá sem setti þetta inn, þar sem ég fann það, er harður krati. Hann hefur því varla verið að meina eigin flokk!

[Sigurgeir Orri Sigurgeirsson, 28.3.2007 kl. 22:49]

Snilld, snilld, snilld. Þetta þarf að láta ganga. Ég ætla að afrita/líma á síðuna mína og senda svo milljón eintök í spampósti til þingmanna og hvers einasta einfeldnings sem skrifað hefur undir áskorun Framtíðarlandsins svokallaða (sem sér þó ekki lengra nefi sér).

[Einar Ben, 29.3.2007 kl. 14:21]

Gargandi snilld, ég er þegar búin að skrifa undir, í huganum.....

kv. af skaga

[Snorri Bergz, 29.3.2007 kl. 14:30]

Kemur frá Jax: http://www.jax.blog.is/blog/jax/entry/159891/ En ég veit ekki hver skrifaði þetta, eða samdi.