Andri Snær rist-aður?

Ég náði loksins að klára þann hluta verkefnisins sem ég ætlaði að klára í kvöld. Þá kom tími til að kíkja á Kastljósið, þar sem ég vissi af Andra Snæ og Rannveigu Rist ræða um stækkun álversins í Straumsvík.

Ég verð að segja, að Andri Snær olli mér vonbrigðum. Hans einu röksemdir voru þau, að svo og svo mikil orka væri til í landinu og hvað mikið af þeim pakka lendi í Straumsvík. Hans röksemdir voru þær sömu og hinar, sem notaðar eru gegn því að flytja flugvöllinn í Vatnsmýrinni: Þetta skipti alla landsmenn máli.

En ég sé ekki að það snerti mig nokkuð, hvort álverið sé svo og svo stórt eða svo og svo lítið. Ég fer bara út á flugvöll nokkrum sinnum á ári, max. Að öðru leyti snertir það mig ekkert.

Mér fannst Rannveig Rist koma vel út úr þessu viðtali. Eg held, að hún hafi farið langt með að tryggja álverinu áframhaldandi rekstur...og þá í stærri útgáfu.

 

Athugasemdir

[Snorri Bergz, 26.3.2007 kl. 22:26]

Nei, ekki að grínast.  Andri Snær er ekki góður að koma fram. Burtséð frá málstað hans, þá er hann betri fyrir aftan tölvuna.

Þar að auki er þessi "heildarmynd" hans óljós, í mínum huga amk.