Enginn er verri þó hann sé perri

sagði Hrafn Gunnlaugsson víst í tíma í MR forðum. Þessi frasi á ágætlega við hér, að ég tel. Mikjáll Djakkson segist ekki sjá eftir neinu. Jæja þá.

Mér finnst þetta mjög skondið, að aðdáendur kappans skuli samtals borga tugi millljóna fyrir að hlusta á hann lesa þessa fáránlegu yfirlýsingu upp af blaði. Gat hann ekki hugsað sjálfstætt, eða kannski tekið 1-2 lög til gleðja aðdáendur sína?

Ég hef aldrei haldið upp á Mikjál, hann er svona einn af þeim söngstjörnum, sem ég missti algjörlega af. Man þó eftir Thrillernum úr fjarlægð, en hef annars lítið af honum að segja. Flest það, sem ég man eftir frá honum snýr af hneykslismálum og aulahætti, húðlitarbreytingum og andlitslyftingum. Ég er reyndar ekki menntaður í geðlækningum, en mig grunar, að slíkir hafi ríka ástæðu til að flokka Mikjál í flokki þeirra, sem ættu að veita þeim bissness. Þó ekki nema vegna þess, að umræddur maður hefur sterka áráttu til að kúra sig berrassaður með smákrakka uppí hjá sér.

En kannski er Mikjáll verri fyrir það að vera perri?

Jackson segist ekki myndu breyta neinu á ferlinum