Andskotans niggari!

Afsakið orðbragðið. 

Vinur minn einn fæddist í Indónesíu, en var ættleiddur hingað mjög ungur. Hér hefur hann búið, alist upp og dafnað. Hann ber íslenskt nafn og á íslenskt barn. En hann keyrði á 64 km hraða niður bratta brekku, þar sem hámarkshraði var 50 og fékk sekt. Ok, allt í lagi, en þá bað hann lögguna að drífa sig að skrifa sektina, hann væri of seinn í vinnuna og svaraði löggunni, þegar spurt var um vinnu, að það væri ekki hans mál.

Stór mistök. Þetta var auðvitað óþarfi, því það á að sýna löggunni tilhlýðandi virðingu, en löggan ætti nú að vera vön verri tilsvörum en þessum, án þess að missa stjórn á skapi sínu.

"Hvað hefurðu búið hérna lengi"? var svar löggunnar.

Stór mistök. 

Þó löggan starfi undir álagi og svoleiðis, er svona lagað óþarfi. Hugsanlega hefur löggan ekkert illt meint með þessu, en löggur þurfa að hafa betri stjórn á skapi sínu en þetta, að hreyta svona löguðu í þegn landsins og fyrir ekki stærri "sakir" en þessar.

En maður þessi er í öngum sínum, bæði reiður og vonsvikinn. Á dauða sínum átti hann von, en ekki þessu. Löggan hefði alveg eins getað sagt við hann: "Andskotans niggari"! "Þú ert ekki sannur Íslendingur eins og ég, og ættir bara að halda kjafti." Að minnsta kosti hefur löggan aldrei spurt mig hvað ég hafi búið lengi á Íslandi, þó hún hafi stoppað mig 3-4 fjórum sinnum síðan 1987, þegar ég fékk próf. En ég er líka hvítur á hörund.

Framhaldið var heldur ekki fallegt, þar sem löggan og 2 aðrar löggur voru víst að hækka röddu sína dálítið of mikið, en ég nenni ekki að rekja þá sögu hér, eins og ég heyrði hana frá manninum sjálfum. En maður hlýtur að gera þá kröfu til löggunnar, að vera fyrirmynd í kurteisislegri framkomu og síðan a.m.k. biðjast afsökunar þegar hún fer yfir strikið.

Viðbót: Var að sjá svipað  í commentakerfinu: http://skorrdal.blog.is/blog/skorrdal/entry/131344/#comments

Athugasemdir

[Baldvin Jónsson, 24.2.2007 kl. 18:31]

Opinbera skýringin verður þá væntanlega að "þessi tiltekni einstaklingur sýndi ókurteisi og ógnandi tilburði þegar lögreglan hafði af honum afskipti við eðlileg eftirlitsstörf".

Ég er hins vegar gallharður á því að lögreglan á skilið eðlilega kurteisi en á engan rétt á því að kafa djúpt (tja, eða grunnt) í einkalíf fólks vegna t.d. of hraðs aksturs.

Það er bara einfaldlega fáránlegt þegar þeir taka sér þann rétt í krafti stöðu sinnar. Það er einfaldlega ofbeldi.

[Snorri Bergz, 24.2.2007 kl. 18:45]

Já, ég man eftir jeppamálinu: lögga nr. 625 var það ekki? En þessi vinur minn hringi á löggustöðina til að kvarta, en þá var enginn við, og átti hann að hringja aftur eftir helgi. Spurning síðan hvaða númer er á þessari löggu?

Og síðan skil ég ekki, hvers vegna saklaus spurning: "Hvað fæ ég háa sekt"? þarf að kalla á dónalega framkomu?