Pornodog

Jæja, þá kemur hér yfir okkur klámsystemið, með fullt af berum konum að striplast, innandyra að vísu og þá fyrir luktum dyrum.

En jæja, nú fara vísast af stað alls konar femínistakerlingar og karlar, stelpur og strákar; öll flóran. Nú verður mótmælt og Katrín Anna, Katrín Jakobs og Katrín Júlíusdóttir munu vísast skrifa hér á bloggið, á Múrinn eða annars staðar til andæfingar. Og síðan verða vísast mótmæli fyrir utan Hótel Sögu.

En að málinu? Ég veit ekki af hverju þing þetta er haldið hér. Hér hefur löngum verið lítið um klámtengt efni á boðstólum, fram á hin síðari ár, þegar internetið kom til sögunnar og sífellt fleiri blöð í búðunum; og auðvitað Bleikt og blátt. En vísast hefur það ekkert með staðsetningu þingsins að gera, heldur er það hið fagra land okkar sem heillar (ef ég hef skilið þetta rétt!) Og það er reyndar mjög skiljanlegt.

En ég fatta ekki af hverju RUV tók sérstaklega fram að stjörnur þessar muni gista á Radisson SAS - Sögu. Hvað ætli GF segi við þessu? Er verið að hjálpa mótmælendum annars vegar og klámhundum hins vegar að skipuleggja sig fyrir þennan "merka" viðburð.

En persónulega finnst mér þessi atburður ekkert sérstaklega merkilegur og mun hann vísast líða án þess að maður verði hans var. Nema ég taki mig til og mótmæli með sætu femínistastelpunum?

 

 

Klámþing verður haldið hér á landi í næsta mánuði

Athugasemdir

[Ólafur Þórðarson, 15.2.2007 kl. 21:31]

Já hvað er ekki stjarna í dag?? Menn virðast getað viðrað á sér typpið og orðið stjörnur fyrir vikið. Eða konur sýnt á sér brjóstin og verið titlaðar stjörnur? Þannig að vera stjörnu-þetta eða stjörnu-hitt er vissulega innihaldslaust og grunnhyggið auglýsingablaðurs málfar ef að er gáð. Datt þetta svona í hug því ég hef verið að sjá svo mikið Stjörnu þetta og hitt undanfarið.

[Gisli Freyr Valdórsson (IP-tala skráð) 16.2.2007 kl. 01:04]

Ég hef þetta um máið að segja. Sjá hér: http://gislifreyr.blog.is/blog/gislifreyr/entry/124524/