Góðkunningjar lögreglunnar

Rannsókn er á frumstigi en grunur leikur á að viðkomandi, sem eru góðkunningjar lögreglunnar, tengist mörgum málanna.

Ég hef aldrei skilið þetta orð, góðkunningjar lögreglunnar. Ég skil hvað það merkir, en skil ekki hvers vegna það hafi komið til og sé stöðuglega notað um glæpamenn. Af hverju eru þeir góðkunningjar? Er þá Íransforseti góðkunningi Bush, og öfugt?

En voðalega eru þessir menn vondir, að fremja svona marga glæpi, ef þeir eru góðir kunningjar löggunnar? Og voðalega er löggan vond, að gruna góða kunningja sína strax um glæpi.

 

Stolið fyrir milljónir króna

Athugasemdir

[Skapti Hallgrímsson, 5.2.2007 kl. 10:57]

Þér til fróðleiks langar mig að benda á að góðkunningi þýðir góður kunningi - rétt er það, en orðatiltækið "góðkunningi lögreglunnar" er maður sem lögregla þarf tíðum að hafa afskipti af - skv. orðabók.

[Snorri Bergz, 5.2.2007 kl. 11:08]

Já, ég veit. En ég er ósáttur við þessa orðanotkun.