Mikið úrhelli, litlar skemmdir

Þetta má nú líka segja um Þjóðhátíð í Eyjum, amk ástand sumra hátíðargesta. Ég veit nú um einn sem hellti úr mörgum flöskum og beint upp í sig, en þetta úrhelli olli ekki miklum skemmdum, nema e.t.v. á hundruðum þúsunda heilasella.

En hann þarf ekki á svoleiðis sellum að halda. Hann er lögfræðingur.

Mikið úrhelli en litlar skemmdir

Tvær ástfangnar flugvélar

OK, burtséð frá meintum þýðingarvillum (en slíkt kemur mér ekki á óvart) er þetta slæm afbökun á lagi Nýdanskrar.

Ástföngnu flugvélarnar fá meira næði og betra speis uppi í háloftunum.

Farþegaþotur rákust saman á flugbraut

"Eldsneyti lækkar"

Hrikalegt að birgðir minnki svona...eða hvað svo sem þetta merkir.

En ég vona svo sannarlega að verð á eldsneyti lækki mjög fljótlega.

Eldsneyti lækkar

Einkennilega að orði komist

Nú var ég hissa. Ég hélt að hér væri verið að tala um amk suma blaðamenn Mbl.is.

Titillinn getur stundum dregið mann á tálar.

Einkennilega að orði komist

Erlendir æsingamenn?

Eru ekki amk flestir "æsingamenn" í Kína "erlendir", því varla geta sómakærir Kínverjar gert neitt á móti hinni guðdómlegu stjórn kommúnistaflokksins?

Kínverjar handtaka „erlenda æsingamenn"

Furðulegt hátterni í Eyjum

Það fréttist hingað upp á land að einhverjir pervertar hefðu laumast inn í íþróttahúsið í Eyjum og pissað á gamlan bikar sem ÍBV hafði unnið á árum áður.

En ég sel þetta samt ekki dýrara en ég keypti það.

En skv. myndinni að dæma var fjör í Eyjum...eins og skáldin segja.

Erill hjá lögreglunni í Eyjum

Helgarþjáning

Æ, mikið skil ég þau hjónin vel. Ég sat líka uppi með helgarþjáningu, af öðrum toga þó, og virtist ekki ætla að losna við hana, sama hvað ég reyndi.

En léleg þjónusta hjá tannlæknunum. Ótrúleg framkoma við fólkið í landinu.

Þjáðist af tannpínu alla helgina