Íslandsvinurinn Róman Abramóvíts

Já, milljarðamæringurinn og eigandi Chelsea, hinn velþekkti Róman Abramóvits, ku vera Íslandsvinur og það jafnvel í hæsta gæðaflokki.

Á vefsvæði íslenskra stjórnvalda segir frá aðdraganda stofnunar Íslandsvinafélags í Rússlandi, þ.e. því fyrsta frá því á dögum Sovéts, gerði ég ráð fyrir.

"Ráðgert er að Íslandsvinafélag verði stofnað 20. apríl nk., en sendiráðið hefur unnið að þessu máli frá ársbyrjun 2001. Að markmiði var haft að í stjórn félagsins yrðu málsmetandi einstaklingar úr stjórnmálum, menningarsviði og úr viðskiptalífi. Því markmiði virðist vera náð. Eftirfarandi aðilar hafa lýst sig reiðubúna að taka sæti í stjórn: Júríj Reshetov (formaður), fyrrum sendiherra Rússlands á Íslandi, Alexei Arbatov, varaformaður varnarmálanefndar rússneska þingsins, Vjatsjeslav Níkonov, stjórnmálaskýrandi, Tatjana Jackson, norrænufræðingur, Olga Smírnitskaja, norrænufræðingur, Bela Karamzina, fyrrum ritari sendiráðsins og Roman Abramovítsj, héraðsstjóri Tsjúkotka."

Af hverju ætli Róman hafi verið "Íslandsvinur"?

 

 

Flóinn skiptir um nafn?

Og mun kallast Mýri héreftir? Skondið að "flói" skuli vera vatnslaus, svona orðaleikjalega séð.

Annars höfum vér Flóaættaðir fullan skilning og óskum frændum vorum þarna í sveitaparadísinni alls hins besta. 

Skraufþurrt í Flóanum og vatnsból að þrjóta

Breimandi umhverfisvernd

Æjá, ég mun vísast heyra þetta inn um gluggann hjá mér. Nú er um að gera að setja einhverja almennilega tónlist í músíkspilarann til að yfirgnæfa þetta breim úr Laugardalnum.

Skora samt á kattareigendur landsins til að mæta með ketti sína í Laugardalinn til að taka undir með listamönnunum.

„Listamennirnir að svara kalli tímans“