Veslings Skotarnir

Nú, jæja, þetta heldur áfram. Skotarnir urðu, vegna almenningsálitsins í heiminum, að hætta að vera nískir. Síðan urðu þeir að hætta að reykja á pöbbnum og nú mega þeir ekki borða óhollustu.


Hvað kemur næst?

Offitutíðni í Skotlandi lítið lægri en í Bandaríkjunum

Mígið í Miðjarðarhafið

Ójá, eftir viku verð ég kominn suður til Miðjarðarhafs, þar sem öldurnar bláu sleikja við tásurnar, þar sem maður situr í fjörunni og mígur í saltan sjó.

Æjá, langt síðan maður hefur mígið í salt Miðjarðarhafið, eða einhverja afleggjara þess.

Með öðrum orðum, ég er að skreppa stutta ferð suður til Tyrklands með Taflfélagi Reykjavíkur til þátttöku í Meistaradeild Evrópu í skák. Á síðasta ári náð T.R. þeim ótrúlega árangri, að lenda í 5.-12. sæti í keppni sterkustu skákfélaga í heimi. Og ekki vantaði stórmeistarafansinn í hin liðin, en þarna voru samankomnir margir af sterkustu skákmönnum í heimi.


Og við höfðum bara einn, á fyrsta borði. Við hinir vorum semsagt bara IM- eða FM-muppet, en gerðum okkar besta. Og það dugði vel.


Mikið er um að vera í kvöld. Alþjóðaboðsmótinu er að ljúka með sigri Jóns Viktors Gunnarsson, alþjóðlegs meistara úr T.R. og meðlim varastjórnar félagsins. Jón verður vitaskuld þarna suðurfrá og  mun vísast mala gull, enda í dúndurformi strákurinn.

Esben Lund, Dani nokkur, hefur þegar tryggt sér áfanga að alþjóðlegum meistaratitli með því að ná 7 vinningum af 9, vinningi minna en Jón, a.k.a. The Owl. Guðmundur Kjartansson, einn hinna efnilegu stráka úr T.R., getur einnig náð 7, takist honum að brjóta niður varnarmúr mótherja síns í kvöld, en það gæti reynst erfitt, því Berlínarmúr Ingvars Þórs er erfiður viðureignar.

(Viðbót: var að fá þær fregnir, að INgvar Þór hafi með Berlínarmúr sínum tekið Gumma og sviðið hann. Roar).

Nú, og unglingalið Arsenal vann a-lið Newcastle 2-0 á heimavelli, meðan Torres og hinar stjörnurnar í Liverpool unnu b-lið Reading 2-4 á útivelli.

Ótrúlegt að unglingalið Arsenal (nýtt unglingalið! unglingaliðið í fyrra er aðalliðið núna!) skuli fara svona létt með stjörnuliði Newcastle, sem skipað er reyndum köppum í öllum stöðum, og mörgum hverjum afar dýrum.  En Arsenal virðist hafa eitthvað, sem flestum öðrum liðum skortir.

En jæja, nenni ekki að hanga hér á officinu lengur. Going home

Krafa Öryrkjabandalagsins

Ég er sammála þessu í aðalatriðum. Það er skammarlegt fyrir okkar ríku þjóð, að öryrkjar skuli lepja hér dauðann úr skel.

Öryrkjar, lágtekjufólk og aldraðir fái að njóta skattalækkana

Svona er að taka að sér djobb fyrir mafíuna

Horfðirðu aldrei á Bond-myndirnar, Mourinho? T.d. From RUssia with Love?

Það sem aðrir umbera, umber glæpamafían ekki. Mistök og þú ert dauður.

Það er greinilega kalt á toppnum, eins og Steini segir.

Mourinho grét: Ég er enn einstakur

Reisa sendiráð þarna: ekki spurning!

Og hvernig væri að senda Jón Baldvin þangað sem sendiherra? Ja, eða Ögmund?

Stjórnmálasambandi komið á við Saó Tomé og Prinsípe

Lúðvík Hermannsson

Jæja, nú bíður maður spenntur eftir opinberum viðbrögðum Denna dæmalausa. Ég skil hreinlega ekki þá andstöðu, sem Hermannsbörn hafa sýnt í þessu máli.

En kannski vildu þau viðhalda þeirri ímynd, að Hermann hafi verið konu sinni trúr. En það voru það margar sögur í gangi um viðhaldsstörf Hermanns, að þetta gat ekki hafa verið allt tómur uppspuni.

En síðan er spurningin: var þetta bara Lúðvík? Átti "Gizur" ekki einhver fleiri börn með móður Lúðvíks? En a.m.k: þetta kemur mér annars ekki við og vona bara að kallarnir leysi þetta.

Staðfest í Héraðsdómi að Lúðvík er sonur Hermanns

Hrokagikkir

Leiðindapúkar hafa á síðustu árum verið einkennandi fyrir Chelsea. Menn sem hafa yfir 100.000 pund á viku í laun ættu a.m.k. að nota hluta þess fjár til að læra mannasiði.

 

En Chelsea hefur jafnan haft frekar hliðholla dómara, og Chelseamenn engu að síður rifið kjaft ef þeir eru ekki sáttir við einstaka ákvarðanir, já, í þau hlutfallslega fáu skipti þegar þeir græða ekki sjálfir á mistökum dómara.

Óþolandi lið og einstaka óþolandi leikmenn þarna gera liðið enn meira óþolandi en annars. Vonandi tekur FA hart á kampavínsstrákunum og lætur sérstaklega þetta muppet Terry finna til tevatnsins.

Over and out.

Terry ákærður fyrir að grípa í rauða spjaldið?

Kjúklingarnir

Jæja, þá hefst kjúklingatímabilið í enska boltanum, amk hjá Arsenal, sem hefur haft þá stefnu á undanförnum árum, að láta kjúklingana spila í deildarbikarnum.

Svo verður einnig nú.

Í fyrra felldu börnin Liverpool, Tottenham og fleiri ágætis lið úr úrvalsdeildinni. En nú er það Newcastle, sterkt lið undir stjórn Sam Allardyce, fyrrv. stjóra Bolton, en hann mun vísast stilla upp sínu sterkasta liði gegn kjúklingunum.


En nú verða ný andlit á vellinum í búningi Arsenal. Í markinu verður Lukasz Fabianski, bakverðir Justin Hoyte og Armand Traore, og kannski Nordtveit hinn ungi fái séns í hafsentinum og þá kannski með einum reyndar, Toure eða Senderos, eða bara Gilberto. Á miðjunni verða Lassana Diarra og Denilson, eða e.t.v. Song, sem gæti líka spilað í hafsentnum í stað Norsarans. Walcott mun vísast spila sem hægri kantur, en vinstra megin gæti Diaby eða Eduardo komið inn, eða Randall kannski.

Frammi verða Bendtner, hinn efnilegi Dani, og etv. Eduardo eða einhvert barnið.


En spurningin er: munu kjúklingarnir standa uppi í hárinu á stjörnum prýddu liði Newcastle?

Á myndinni til hægri er Lukasz Fabianski, hinn efnilegi markvörður Arsenal.

Ahmadinejad í Columbia -- dónó eða ekki dónó?

OK, Kanarnir voru dónalegir. Um það er varla hægt að deila.


En átti þessi rugludallur eitthvað betra skilið? Átti þetta að koma honum á óvart? Ef hann hefur komið þarna í Columbia og haldið að hann fengi höfðinglegar móttökur er hann gjörsamlega veruleikafirrtur.



En hins vegar á þjóðhöfðingi -- jafnvel rugludallur eins og þessi -- ákveðna virðingu skylda, þegar hann kemur fram í krafti embættis síns. En það er einmitt málið. Hann átti aldrei að fá heimboð í Columbia. En á hinn bóginn er kannski ágætt fyrir skólastjórnendur og nemendur að fá séns til að fá útrás fyrir andúð sína á þessum manni og því helsta sem hann stendur fyrir, svo ekki sé minnst á sumt af því sem hann á að hafa sagt þarna.


Ég hef megnustu óbeit á því, sem þessi maður stendur fyrir. Ég myndi eiga í miklum erfiðleikum með, að sýna lágmarks kurteisi, myndi ég fá hann heim til mín í kaffi. En ég myndi aldrei bjóða honum --- over my dead body.


Frekar myndi ég bjóða a-liði Spurs og Teddy Sheringham í heimsókn en honum.

Fjandsamlegar móttökur virtust slá Ahmadinejad út af laginu