Breytt uppskrift að lambakótelettum

Hvað kemur næst? Þarf að breyta uppskriftum að lambakótelettum þannig, að það verði ekkert lamb eftir? Væri ekki bara einfaldara að hafa tvær Mars-tegund: Mars classic og Mars vegit!

 

Hætt við að breyta uppskriftinni að Mars-súkkulaði vegna mótmæla frá grænmetisætum

Að drepa eða ekki drepa

Jæja, nú hafa Moggamenn stofnað nýjan her, Ísralesher, eins og segir í fyrirsögn þessar fréttar nú, þ.e. áður en hún verður vonandi löguð síðar.

En það sem ég vildi segja er, að eins lengi og ég man eftir mér hafa Ísraelsmenn myrt eða drepið Palestínumenn á síðum Moggans, sérstaklega í fyrirsögnum. Þá kemur oft: Ísraelsmenn drápu X-marga Palestínumenn, en síðan kemur í fréttinni, að þeir hafi verið vopnaðir og hafi ráðist á varðstöð Ísraelshers eða á hermenn, eða jafnvel á óbreytta borgara. Því er fréttin ekki, að Palestínumenn ráðist á Ísraela, heldur að Ísraelar hafi varið hendur sínar og skotið til baka. Það er auðvitað ólíðandi í þessum PC-heimi okkar.

Og síðan þegar Hamas eða aðrir hópar Palestínumanna sprengja óbreytta borgara eða láta rigna yfir þá flugskeytum, þá látast eða deyja eða láta lífið svo og svo margir Ísraelar, svona eins og þeir hafi dáið úr krabbameini eða af "eðlilegum orsökum."

Síðan er ég hissa á, hversu Mogginn hefur haft lítinn á huga á eldflaugaskotum Palestínumanna frá Gasa. Þær hafa staðið yfir nær linnulaust frá því snemma vetrar, en aðeins komist einstaka sinnum á síður eða á vef Moggans.

Hver ætli ákveði þetta og hvers vegna?

Ísralesher drap þrjá Hamasliða