Dópið flæðir

og við drekkum það í stórum stíl.

Ég hef löngum verið ofdrykkjumaður á kaffi, en hef verið að minnka það aðeins hin síðari ár, þó ég sé nú enn dáldið seigur að svolgra þessu í mig.

En nú fer maður að spá hvort það sé ekki bara minna koffein í kaffi en í kóla-gosdrykkjunum?

En fer ekki að koma tími á að banna koffein og kakóið, sem er víst náskyld kókaíni, sem er drápsvopn terroristana?

Koffínmagn í drykkjum jókst verulega á sex ára tímabili

Sorglegt

Jæja, þá er þetta staðfest. Öðru megin kemur fram Magnús Þór Hafsteinsson alþm. Hinumegin sjáum við Jón Magnússon lögm..

Ég hef lítið álit á þeim báðum og þó öllu minna á öðrum þeirra. En saman koma þeir fram eins og klósett með blómum í. Þegar þú hefur tekið við blómunum kemur hið raunverulega innihald í ljós.

Vonandi verður flokk þessum hafnað í komandi kosningum og helst það illilega, að hann detti út af þingi með skömm.

Magnús Þór og Jón Magnússon í fyrstu sætunum í Reykjavík

Skoðanakönnunin hér á síðunni: niðurstaða

Spurt var, hvaða flokk viðkomandi hyggðist kjósa í vor. 150 höfðu svarað. Skoðanakönnunin stóð yfir í tæpar þrjár vikur.

Niðurstaðan (námunduð):

Sjálfstæðisflokkur  41%

VG                         24%

Samfylking             15%

Framsókn               11%

Frjálslyndir                5%

Annað                       4%

 

Þetta er að miklu leyti þekktar stærðir, nema hvað Sjálfstæðisflokkurinn er e.t.v. aðeins hærri en aðrar kannanir, Framsókn aðeins hærri líka, en Samfó nokkrum prósentustigum neðar en venjulega. VG hefur fallið niður í 24%, sem er svona svipað og flokkurinn hafði fyrir c.a. viku.

Kosningaspá í ljósi þessarar könnunar og annarra:

Sjálfstæðisflokkur 38%

VG                         23%

Samfó                   19%

Framsókn              12%

Frjálslyndir              4%

Önnur framboð        4%

 

Ný samsæriskenning í Baugsmálinu

Ungar vinstri grænar stóðu að baki þessu! Sönnunargagnið? Hér að neðan.

Sóley, Sóley

Jæja, gott að Sóley GK er komin að landi. En hin Sóley fór úr landi í staðinn og tókst að skilja eftir sig rauða slóð ritskoðunar og netlögguhyggju.

Já, engir mega andmæla VG, þá verða þeir teknir úr umferð, sér í lagi ef þeir hafa rétt fyrir sér (sem er mjög líklegt!)

Togarinn Sóley Sigurjónsdóttir kominn að landi

Big Red: Valentine Lost (myndbandið)

Nýr klámbæklingur Smáralindar

Jæja, enn og aftur sækja Smáralindarmenn á vit klámsins. Á forsíðu bæklings með hugmyndum um fermingargjafir er sama, saklausa stúlkan á forsíðu, að þessu sinni með tyggjókúlu út úr munninum.

Það liggur auðvitað ljóst fyrir, að þessi tyggjókúla á að tákna eistu og því sjá allir, hvað hún er með í munninum. Og síðan er þessi litla stúlka fullmeikuð, og gefur þá til kynna, hvaða atvinnu hún stundar með skólanum.

Sveitattan!

EN til að þetta fari ekki framhjá neinum, birti ég hér svarthvíta mynd af samskonar dónaskap.

"Jim Morrisson" fimmtugur í dag

 Jæja, Benni er orðinn fimmtugur. Aldeilis hvað tíminn flýgur.

Benedikt Jónasson er einn af bloggurunum hér á blog.is, kallar sig jimmorrisson. Hann er einnig sá sem oftast hefur commentað á það sem ég segi, einkum þegar ég er að stríða Samfylkingunni.

Benni er Hafnarfjarðarkrati og tilheyrir því besta hluta jafnaðarmanna á Íslandi. Við erum sjaldan sammála um pólítík, en það er líka allt í lagi.

Við erum þó jafnan sammála um skákmálefni. Benni er varaformaður Taflfélags Reykjavíkur. Ég man þegar ég var að alast upp í skákinni, smápatti, var Benni húsvörður í gamla TR á Grensásveginum. Hann sá þá jafnframt um skákæfingar unglinga á laugardögum og kvöldæfingar á þriðjudögum.

Ég man alltaf þegar hann sendi mann út í sjoppu fyrir sig og fékk maður þá "kók og rör" fyrir ómakið. Æjá, það eru komin um 30 ár síðan það var. Síðan þá hef ég stækkað, fitnað og misst hár. En Benni er alltaf eins.

Til hamingju Benni. Allt er fimmtugum fært.