VG stærri en Samfylkingin

Þessar niðurstöður eru að mörgu athygliverðar, enda hafa hinir og þessir lýst því yfir, í kjölfar "netlöggumálsins" og landsfundarins sl. helgi, að þeir muni hætta við að kjósa Vinstri grænar. En nú veit ég ekki, á hvaða dögum þessi könnun var gerð.

Í annan stað, þá var landsfundur Vinstri grænna um sl. helgi og flokkurinn hefur fengið mikla umræðu í kjölfarið, bæði jákvæða og neikvæða. Það kann að hafa skilað auknu fylgi, því jafnvel neikvæð umræða er stundum betri en engin.

En þetta hlýtur að vera áhyggjuefni fyrir Samfylkinguna, sem á verulega undir högg að sækja, og ekki síst formaðurinn.

Nú Sjálfstæðisflokkur er á svipuðu róli, frá 35-38% fylgi, en Framsókn er komin yfir Frjálslynda og það nokkuð hressilega.

Að mínum dómi bendir flest til, að tvenns konar flutningur á fylgi eigi sér stað á milli kosninga.

a) Vinstri grænar hafa c.a. 10% fylgi af Samfylkingunni.

b) Sjálfstæðisflokkur hefur kannski 2-3% fylgi af Framsóknarflokki, sem síðar tapar e.t.v. 2-3% líka til Vinstri grænna.

Enn á eftir að koma í ljós, hvort framboðin verði fleiri og þá hvaða áhrif þau munu hafa.

VG með meira fylgi en Samfylking

SÍS lifir!

Ohh, ég hélt að það væri orðið dautt, eða hefði a.m.k. skipt um nafn og sett á sig felulitina. En ég minni fólk á, þegar það keyrir til Húsavíkur, að

Hér er alveg unaðsleg um allar grundir

Sveinar elska hringahrundir

Hér var það sem SÍS kom undir

(Flosi).

Söluskáli KHB lækkaði ekki verð í morgun

Neanderdalsmenn

eru líklegastir til sigurs í Íslandsmóti skákfélaga þetta árið. Meira um mótið sjá pistil formanns Neanderdalsmanna og ritstjóra www.skak.is.

Íslandsmót skákfélaga um helgina

Maður fær bara grænar bólur

af því að lesa svona lagað. Hvernig getur nokkur verið svona andstyggilega grimmur við smákrakka? Hvurslags hugsunarháttur er þarna eiginlega á ferðinni?

Ég vona að mannfíflið nái sér af "meiðslunum", og verði hengdur upp á fótunum, eins og Mússólíni, og skorið undan honum eins og hverri annarri skepnu. Punktur.

P.S. afsakið orðbragðið.

Meintur barnaníðingur og morðingi handtekinn

KK og Maggi Eiríks með stórtónleika í Shanghai

 næsta laugardagskvöld! Nú eru um 20 ár síðan Stuðmenn fóru til Kína og slógu þar í gegn, eins og frægt er orðið. En nú eru það KK og Maggi Eiríks, sem einnig eru að taka upp plötu þarna austurfrá og fer hún m.a. til dreifingar í Kína, fjölmennasta markaði í heimi. Gaman að sjá hvað úr þessu kemur.

 

Freedom Fries?

Ég kysi nú heldur McCain franskar kartöflur en John McCain til forseta. Ekki þannig að ég hafi neitt á móti manninum, sem vísast er ágætur á sinn hátt, en hvað er rúmlega sjötugur maður að trana sér fram í forsetaembættið? Hann ætti heldur að fara á eftirlaun, fara á skytterí með Cheney eða kaupa sér Veiðikortið og fara að leika sér í stangveiði á íslenska hálendinu.

John McCain sækist eftir tilnefningu