Eurovision

Ok, Jónsi hlýtur að taka þetta. Flest hin úrslitalögin frekar döpur. Lögin í kvöld þar á meðal. Ekkert sem greip mann svosem. En ég hef auðvitað lítið vit á músík.

Undankeppni Söngvakeppni Sjónvarpsins lokið

Svona menn hljóta að vera mjög alvarlega sjúkir

Ég meina, burtséð frá stjórnmálum og trúarbrögðum, hvaða maður drepur sjálfan sig og yfir 100 manns bara til að fagna helginni?

Já, íslam eru friðsöm trúarbrögð, segja menn. Þeir hinir sömu ættu að rannsaka upphaf íslams. Þar kæmi e.t.v. margt á óvart. Því miður eru íslam trúarbrögð haturs, reiði, ofbeldis og kúgunar. Því miður. En sem betur fer eru ekki allir múslimar sem taka trú sína jafn alvarlega og þessi.

105 létust í sjálfsvígsárás í Bagdad og 225 særðust

Ótrúverðug látalæti

Það hafa einmitt verið menn Haniyahs, sem hafa mestmegnis komið þessari óöld af stað nú á síðustu dögum. Þetta er "næs PR-stunt" hjá kallinum, en ekki trúverðugt. Ef hann virkilega vill frið, hættir hann við að fjölga í eigin vígasveitum, eða leysir persónulegar bardagasveitir Hamas upp. Var ekki sagt forðum, að það ríki sem sé sjálfu sér sundurþykkt, fái ekki staðist?

Forsætisráðherra Palestínu hvetur menn til þess að virða vopnahlé

Búið

Jæja, þá er HM búið. Gaman um hríð, en sárt á stundum.

EN ég skil ekki alveg hvað sé svona fréttnæmt við það, hvenær landsliðsmennirnir fara heim til sín? 

Landsliðsmenn á heimleið

Gott hjá Agli Helgasyni

að vekja athygli á merkilegri bók. Þetta er líka að finna hjá Kristni Péturssyni. Ég "kvóta":

Umdeildasta kenning Cohens er sú að vinstri hreyfingin hafi misst æruna í tengslum við Íraksstríðið, 11/9 og stríðið á Balkanskaga. Hún hafi blindast af slíku hatri á Bandaríkjunum að hún hafi farið að taka málstað harðstjóra sem má telja fasista.

Síðan hafi hún myndað mjög sérkennilegt bandalag með íslömskum öfgamönnum sem standi fyrir allt sem vinstrimenn eitt sinn börðust á móti. Kvenfyrirlitningu, óumburðarlyndi, forneskju. Sósíalisminn sé í rauninni dauður, varla tóri neitt af honum nema ameríkuhatrið. Það hafi verið skrítið að sjá vinstrimenn út um alla Evrópu í fjöldagöngum til að verja fasistann Saddam Hussein. Og fagna því síðan í raun og veru hversu uppbyggingin í Írak gengur illa. Geta ekki einu sinni tekið málstað fólksins sem þar býr. Vinstri hreyfingin sé þannig meira eða minna undirlögð af vitsmunalegum óheiðarleika.

Amen! Þetta hef ég verið að segja í mörg ár, amk hvað snertir seinni paragraphinn og síðari setningunni í hinum fyrri. Skrifaði reyndar hér nýlega um ást vinsti manna á Hugo Chavez, fasískum fanti, sem ríkir nú sem einræðisherra að hætti Hitlers í Venesúela. En annars held ég að þetta sé rétt. Vinstri menn hafa gert bandalagið við öfgahópa múslima í Miðausturlöndum, allt vegna haturs á Bandaríkjunum og Ísrael; svo mikið hatur, að menn hafa, þám hér á hinu háa Alþingi, farið út fyrir hatur á ríki, yfir í hatur á þjóð. Má þar nefna til dæmis Magnús Hafsteinsson, sem hélt hér fyrir nokkru andsemítistaræðu, sem hefði vísast átt vel heima á títtnefndri ráðstefnu í Teheran. Fleiri má þar nefna, flesta úr vinstri geiranum, en þessir sömu vinstri menn tala hátt gegn rasisma. Ergo: eini rasisminn sem er leyfilegur er sá, sem beinist gegn Gyðingum eða öðrum meintum fylgjendum Bandaríkjanna. Skrítið, því á t.d. síðustu öld voru sennilega hlutfallslega fleiri sósíalistar af ætterni Gyðinga en nokkru öðru þjóðerni og Ísrael var frá upphafi byggt upp á sósíalískum forsendum. En hatrið á Bandaríkjunum virðist yfirskyggja allt annað, eða amk flest annað.

Ég get seint talist sósíalisti, en ég var þó bæði ósáttur við Íraksstríðið og árásirnar á Serbíu. ´Hvað það fyrra snerti, þá sagði ég löngu áður en stríðið hófst, að ef Saddam færi frá, tæki bara enn verra við. Sú hefur raunin orðið. Ég nefndi þá oft, að Írak yrði nýtt Líbanon. Mér sýnist það ætla að verða enn verra. Hvað Serbíu snertir, þá hef ég mikla samúð m eð Serbum sem þjóð, þó Milo hafi auðvitað verið klikk. Ég hef tvisvar komið þarna og séð minjar um stríðið. Þar var m.a. sprengd brú yfir á, en eina hlutverk hennar var, að tengja bændur við umheiminn. Hafði enga hernaðarlega þyðingu. Í þessum tveimur atriðum er ég sammála t.d. vinum mínum á Múrnum. Hvað snertir utanríkismál, held ég að þetta sé það eina sem við eigum sameiginlegt, nema auðvitað andstaða við ESB.

En a.m.k.: gott hjá Agli að ræða þetta.

Andlega veikir

Jæja, nú á löggilda enn frekar líknarmorð. En morð er morð, hvort sem það er til líknar eður ei. Ég skal þó viðurkenna ákveðinn skilning á líknarmorðum, í einstaka tilvikum. En þetta kemur svo sem ekki á óvart. Virðingin fyrir lífinu hefur minnkað smám saman á 20. öldinni, og nú virðist eitt líf ekki skipa miklu máli í póstmódernískum PC-heimi.

En ég vil þó taka undir, að andleg veikindi er oft engu skárri en þau líkamlegu. Og oftlega held ég að and- og líkamleg veikindi fari saman. Menn geta hreinlega orðið líkamlega veikir í kjölfar andlegra veikinda, eða öfugt. Annars þekki ég þetta svosem ekkert, hef þetta bara á tilfinningunni.

Málið er, að andleg veikindi eyðileggja ekki síður líf fólks en líkamleg veikindi, og þeirra, sem í kringum það er.

Andleg veikindi lögð að jöfnu við líkamleg

Enn barist á Gasasvæðinu

Jæja, þetta ætlar ekki að takast hjá Palestínumönnum, að hætta að skjóta hvern annan, ræna og rupla (bæði mönnum og hlutum), og rífast innbyrðis um allt, sem hægt er að rífast um. Þetta kemur svosem ekki á óvart.

Var að lesa merkilegar greinar í Jerúsalem Post um innbyrðis bardaga Palestínumanna. Caroline Glick fjallar um ástandið á Gasa, sem er rætt í annarri grein sömuleiðis.

Áfram barist á Gaza þrátt fyrir vopnahlé

Ítalir niður í logum

Já, þetta er orðið slæmt hjá Ítölunum. Í fyrsta lagi varð "skandallinn" til þess að ítalska 1. deildin, Serie A, er ekki nema svipur hjá sjón og hefur nú fallið langt afturúr deildunum á Englandi, Spáni, Þýskalandi og jafnvel Frakklandi. Í öðru lagi, hafa margvísleg spillingarmál önnur orðið til að skaða deildina. Í þriðja lagi er boltinn þar svo leiðinlegur, greinilega (eða þá að fólk mótmælir þessu rugli þarna suðurfrá), að hinir glæsilegu leikvangar á Ítalíu standa oft á tíðum næsta auðir, jafnvel hjá stóru liðunum. Í fjórða lagi hafa þeir áhorfendur, sem þó mæta á leikina, hagað sér illa, verið t.d. með nasistakveðjur, ráðist á dómara eða aðra embættismenn, verið með rasisma í garð litaðra leikmanna, osfrv. Nefna má Roma í fyrra eða hittiðfyrra, þegar lið fékk áhorfendabann vegna óláta. Og nú í gærkvöldi lést lögreglumaður, þegar brjálaðir áhorfendur, sennilega frá Catania á austurströnd Sikileyjar (rétt hjá Messina), köstuðu sprengju inn á völlinn.

Ítalir eru ekki lengur stórþjóð í fótboltanum, þótt þeir séu heimsmeistarar. Spurning að setja ítölsk lið í bann frá alþjóðakeppnum í nokkur ár, svona svipað og gerðist fyrir Englendinga. Það myndi þó æra vini mína tvo, ágætis náunga sem eru helteknir af ítölskum fótbolta. Þeir sjá allt slæmt við t.d. enska boltann, sem þeir nefna skussabolta, en sjá fátt slæmt við þann ítalska. En nú er komið nóg. Menn verða að fatta, að Ítalir eru búnir að klúðra þessu. Fótboltinn á Ítalíu verður vísast mörg ár að rífa sig upp úr þessum hörmungum.

Öllum knattspyrnuleikjum á Ítalíu aflýst

Alþingi 2007-2011

Ein af mínum uppáhaldssíðum hér á blogginu er síða Stefáns Friðriks Stefánssonar frá Akureyri. Að öðrum ólöstuðum held ég, að þar sé að finna vönduðustu greinarnar á blogginu. Og nú fer hann yfir, eins mikið og hægt er, hverjir myndu sitja á þingi næsta kjörtímabil, miðað við nýjustu skoðanakönnun Gallups.

Ég skora á menn að lesa þetta. Ég fagna sérstaklega, að Mörður og Helgi Hjörvar séu fallnir af þingi -- báðir frekar þreytandi þingmenn. Og fagna líka mjög, að sjá, að Guðfríður Lilja er inni, þó skákhreyfingin muni þá missa forsetann af vettvangi. Ég vona hins vegar, að Birgir Ármannsson, sem skv. þessu er fallinn út, nái að lauma sér inn.

Hækka refsirammann í alvarlegum umferðarlagabrotum

Þetta er nánast orðið daglegt brauð. Hvað í ósköpunum eru menn að hugsa? Hvernig stendur á því, að svona lagað, og svipað, gerist aftur og aftur? Nú þarf löggjafinn að taka sig til og herða refsingar í svona málum.

Þetta gengur ekki svona lengur.

Hirtur ölvaður á 140 km hraða