Pólítískur vandi

Kyprianou sagði að ESB hefði komið á eftirlitskerfi sem ætti að tryggja að slík blöndun ætti sér ekki stað, en vandinn við að aflétta banninu væri pólitískur fremur en vísindalegur.

Hafa ber í huga, í þessu samhengi, að allur vandi ESB er pólítískur. Þetta samband er samansafn margra aðila, sem allir vilja vernda sína hagsmuni og sérstakar áherslur. Ekki svo ólíkt Samfylkingunni? Þar er vandinn líka fyrst og fremst pólítískur.

 

Umhverfisráðherra vill að vísindaleg sjónarmið og rök ráði hjá ESB

Varla svo óvænt afstaða

Hamas vonar að afstaða Bandaríkjanna mýkist gagnvart myndun samsteypustjórnar

Meintur hryðjuverkamaður gómaður á Íslandi

Já, það voru einmitt svona terroristar, sem Frjálslyndir voru að tala um á Alþingi nýverið. 

Í gæsluvarðhaldi vegna gruns um smygls á 4 kílóum af kókaíni

Öll dýrin í Bónus eiga að vera vinir

Spurning hvort Grísinn og Lilli klifurmús hafi ekki komist að samkomulagi. En svo var ekki í þessu myndbandi, þar sem milljónir músa réðust á bændabýli í Ástralíu. Og við kvörtum yfir einni?

 

Kartöflumús í Bónus?

Benitez að hætta hjá Liverpool?

Og ætlar að gerast lögga! Ja, hann yrði fínn í umferðareftirlitið, gæti sektað tugi manna á einu bretti og farið létt með það!

Benítez sagður hafa sektað 15 leikmenn

Coleen

Jahérnahér. Til hvers í ósköpunum er verið að gefa út ævisögu stúlku þessarar, sem er aðeins um tvítugt og hefur ekkert afrekað um ævina, aðeins verið í sambandi við skapvondan fótboltastrák?

Og já, verslunarferðir róuðu hana niður. Einmitt, hún hefur þá verið á barmi taugaáfalls, svona eins og Britney, ef tekið er mið af því, að hún nær heldur heilum verslunarhverfum gangandi með taumlausi eyðslu.

Það hefði verið einfaldara og ódýrara fyrir Rooney, að díla bara við mellurnar og gera sumar þeirra "fulltime".

Unnusta Rooney tjáir sig um vændiskonumálið

Sleggjan í 2. sætið!

Jæja, þá er það orðið opinbert. Sleggjan verður í 2. sæti Frjálslyndra í norðvestri, í því sæti, þar sem Sigurjón goði áður sat og hélt sín þingblót.

En stærsta spurningin er, hvort Kiddi sleggja taki með sér grasrótarfylgi frá Framsókn? Grasrótin sú virtist vera útnöguð af rollum í eigu Guðna bónda og ólíklegt að þar vaxi mikill gróður frekar.

Persónulega tel ég ólíklegt að Frjálslyndir fái nema í mesta lagi einn þingmann í norðvestri. Guðjón Arnar ætti þó hugsanlega að sleppa inn, með sameiginlegt persónufylgi sitt og Sleggjunnar að baki. Og það er alls ekki víst, að um kjördæmakosningu verði að ræða.

Því er alveg eins víst, að Kristinn H. Gunnarsson verði varaþingmaður á næsta kjörtímabili.

En með því að Kristinn gekk formlega til liðs við frjálslynda lokaði leikmannaskiptamarkaðnum að þessu sinni. Og það voru frjálslyndir, sem voru í hringiðu átakanna: þeir misstu tvo þungavigtarmenn og fengu tvo; einn reyndan kappa og aula nokkurn, sem heldur víst að dópsalar séu terroristar.

En ég vona þó, að landsmenn losni þingræðið við þennan stjórnmálaflokk í næstu kosningum.

Kristinn í 2. sæti hjá Frjálslyndum í Norðvesturkjördæmi

Írakar halda sprengidaginn hátíðlegan

Í Írak er sprengidagur haldinn hátíðlegur nánast alla daga ársins. Ég kann þó illa við það, hvernig þeir framkvæma hátíðahöldin. Íslenska leiðin, að sprengja menn með saltketsáti virkar einhvern veginn betur en sú íraska, þar sem menn og mýs eru sprengdir upp með det samme.

Í mínum huga er alveg ljóst, að uppreisnarmenn í Írak hefðu ekki haft ráð á, að reka þessa baráttu svona lengi, hefði utanaðkomandi hjálp, sér í lagi frá Sýrlandi, Íran og e.t.v. einhverjum fleirum ekki komið til. Þá er ég fyrst og fremst að tala um hernaðar- og/eða fjárstuðning. Uppreisnarmenn sjía eru vísast aðal móttakendur þessa stuðnings. Súnnítar fá vísast hjálp annars staðar frá, eða lifa á gömlum og földum vopnabirgðum Saddams Husseins og úrvalssveita hans. Ég las það einhvers staðar, að fljótlega eftir að Bandaríkjamenn, Íslendingar og fleiri viljugar þjóðir réðust inn í landið, hafi úrvalslið Saddams, það sem Bandamenn óttuðust mest en þurfti lítið að berjast við, horfið og með þeim þær miklu vopnabirgðir, sem menn töldu að Íraksher hefði þrátt fyrir allt ráðið yfir. Mig grunar, að Bandaríkjamenn séu nú að finna fyrir því vopnabúri.

Við Vesturlandamenn glottum gjarnan út um annað, þegar hinn skellegi PR maður Saddams kom í fjölmiðla og sagði, að Írak yrði grafreitur Bandaríkjamanna. Hann hafði rétt fyrir sér í því, en menn misskildu hann þá, en ekki lengur.

En Bush og Blair höfðu þó rétt fyrir sér í því, að til væru gereyðingarvopn í Írak. En þeir áttuðu sig ekki á því, að þau væru af holdi og blóði, gangandi eða keyrandi tímasprengjur.

 

Fjórtán látnir í árásum í Írak í dag

Tengdasonur Íslands?

Þetta gæti leitt til þess, að einmana "stjörnur" gætu farið að leita hingað eftir "hjálp".

En þetta ástarævintýri svokallaða gæti orðið spennandi úr fjarlægð. En gott að vita að jafnvel frægir kvennabósar hafa þróað með sér góðan smekk á konum!

The Sun fjallar um Jude og Höllu

McCain: Rumsfeld ómögulegur

Jæja, McCain reynir að bjarga sér á flótta með því að gera Rumsfeld að blóraböggli fyrir eigin stuðning við stríðið í Írak. En hitt er svo annað mál, að hann hefur hér rétt fyrir sér. Rumsfeld hlýtur að minnsta kosti að vera mjög vænlegur kandidat fyrir titilinn: Lélegasti varnarmálaráðherra Bandaríkjanna.

McCain segir Rumsfeld versta varnarmálaráðherra sögunnar