Og ég er orðinn þreyttur á Paris Hilton

En mætti ekki bjóða henni á klámþingið? Hún hefur nú "gefið út" nokkrar klámmyndir, ef ég hef skilið pressuna rétt (eða reyndar einhver gefið þær út fyrir hana!!)

En auðvitað geispaði hún: Hún þurfti nefnilega að haga sér siðmannlega, og það er víst leiðinlegt. Hún er svona Silvía Nótt þeirra Kana, nema hún er ekki að leika.

Paris Hilton þreytt á óperudansleik í Vín

Peter Sellers strikes again!

Glæpamenn

Sakborningur í Madrídarréttarhöldunum neitar allri sök

Myndband frá yfirheyrslum

Tryggvi Jónsson yfirheyrður í Baugsmálinu

Always look on the bright side of life

Sætt/fyndið myndband

Ok, búnað fatta þetta you-tube dæmi. Verð að fá að prófa aftur.

 

Óóóóóóóóóóótrúlega fyndið

Ok, ég kann ekki að setja inn youtube-skjá hérna (menn mega vinsamlegast skrifa leiðbeiningar í aths.), en ég verð að deila þessu hrekkjabragði með fólki. Ótrúlega fyndið!

http://www.youtube.com/watch?v=ZZ1yV-Y_oXY&search=pranks

 

Tilraun:

Vinur minn Talibaninn

Þegar ég var í námi í Leicester kynntist ég heittrúuðum múslima, Qas Mahmood, frá Pakistan. Hann flutti inn í "dormið" við Elms Road c.a. í mars 1993, þegar fyrri íbúar höfðu margir haldið heim. Hann var heittrúaður, en ekki ofbeldisfullur. Slíkir menn eru jú til. Þetta var einn ljúfasti og skemmtilegasti maður sem ég hef kynnst. Gull af manni, algjörlega. Ég gæti haldið langan lestur um mannkosti þessa öðlings, en vil ekki þreyta blogglesendur of mikið. Get þó nefnt, að hann var forfallinn áhugamaður um enskan fótbolta, enda hafði hann búið í Englandi í nokkur ár.

En hann var maður ekki einsamall. Hann átti fjölskyldu í Pakistan. Og hann sagði mér, að fjölskylda hans hefði samið við aðra fjölskyldu um hjónaband hans. Sjálfur hefði hann ekkert að segja um málið. Hann fór á hnén fimm sinnum á dag, þvoði sér vel framan við olnboga og á fleiri stöðum. Og hann hugsaði oft þegar hann bað: "Ég vil búa áfram hér í Englandi". En hann þorði ekki að óhlýðnast foreldrum sínum. Hann gæti ekki bæði verið góður múslimi og óhlýðnast föður sínum og móður í svo mikilvægu máli.

Þegar ég kvaddi hann í júní 1993 og fór heim til Íslands sagði hann, að pabbi sinn hefði pantað fyrir sig flug til Pakistan strax að prófum loknum. Mig minnir, að hann hafi verið í námi í kemískri efnafræði, efnaverkfræði, eða einhverju svoleiðis. En þarna um sumarið átti hann að kynnast heitkonu sinni, eiginlega hitta hana í fyrsta skipti. En hann gæti ekki giftst henni strax. Fyrst yrði hann að klára námið og hún var þar að auki nokkuð ung, en ekki nefndi hann aldur hennar nákvæmlega, sagði bara: "Hún er nokkrum árum yngri en ég," og glotti stríðnislega. Hann var þá um tvítugt.

Við skrifuðumst eitthvað aðeins á, 1-2 kost ef ég man rétt. En það síðasta sem ég frétti af honum var, að hann var að fara til Afghanistans í "skóla". Frændi hans hafði skipulagt það. Síðan hef ég ekki frétt neitt frá honum.

En til hvers að fara í skóla í Afghanistan? Hann var vel menntaður, og vísast best menntaði efnafræðingurinn í Afghanistan! Rúmu ári síðar náðu Talibanar (sem þýðir "nemendur"; Talib (et) merkir nemandi) völdum í Afghanistan. Þeir voru að grunni til nemendur í íslömskum skólum, þar sem heittrúin reið ekki við einteyming. Flestir höfðu komið frá Pakistan, þangað sem þeir höfðu flúið undan Sovétmönnum, en sneru nú aftur undir merkjum íslams. Smám saman þokuðu þeir sig vestur á bóginn uns landið féll nær allt í hendur þeim. Og það er nánast öruggt, að hinn góðlegi Qas Mahmood hafi verið í þeirra hópi. Hann hefur amk verið einn þeirra fáu á svæðinu, sem kunnu að búa til sprengjur.

Ef ótti minn á við rök að styðjast, eins og ég tel nánast öruggt, vil ég spyrja: hvað í ósköpunum gerði einn yndislegasta mann sem ég hef kynnst að Talibana? En ég vona a.m.k., að vinur minn Talibaninn sé enn á lífi. En maður veit aldrei.

Talibanar segjast hafa 10.000 menn reiðubúna í voráhlaup

Óttar Felix!

Alveg er það magnað, sem Óttar Felix Hauksson, formaður vor TR-inga, er að gera í Kína undir merkjum fyrirtækisins Zonet.

Ég hef aðeins fengið að fylgjast með þessu úr fjarlægð á síðustu misserum og undrast. Fyrst var það Robertino, síðan Jazzið með tveimur af okkar mestu snillingum á því sviði, síðan KK og Maggi Eiríks, sem munu syngja á íslensku á þeirri plötu, sem gefin verður út í Kína.

Já, Óttar er svo sannarlega stórhuga, eins og tveir aðrir gamlir félagar mínir úr skákinni, villingarnir tveir í 12 tónum. Óttar teygir sig þó lengra, eða alla leið til lands drekans (þetta nafn er við hæfi, þegar skákmenn eiga í hlut) hinir láta sér nægja að gera garðinn frægan í Köben (sbr. frétt á mbl.is í gær).

Óttar er einn af þessum mönnum, sem er hverjum manni heiður að þekkja. Gull af manni. Óska ég honum hjartanlega til hamingju með þennan árangur og vona, að tjaldhælarnir nái enn frekar að þenjast út þarna í austurvegi.

Kínverska ríkið gefur plötuna út

Klámið enn og aftur

Jæja, nú vaknar maður upp við rosaleg skrif æði margra um klámþingið. Ég var mjög hrifinn af grein Gísla Freys, sem einmitt starfar á Hótel Sögu og ég vildi fá til að ræða um málið hér í grein um þetta sama. Ég get tekið undir með allt sem hann sagði. Margar ágætar greinar aðrar, s.s. frá Femínistanum.

Ég er samt annars að hugsa um að taka þátt í mótmælunum við Hótel Sögu. Ég deili með Sóleyju og hinum femínistunum mörgum viðhorfum til kláms, en sé þó ekki að hægt sé að banna þetta, sé um fullorðna einstaklinga að ræða. Og til hvers að "boycotta" gamla framsóknarhótelið fyrir þetta? Hafa ekki framsóknarmenn liðið nóg undanfarið?

En við erum hér nokkrir einhleypir strákar sem erum að hugsa um að mæta í mótmælin við Hótel Sögu, s.s. til að eiga þá reynslu að hafa einhvern tímann mótmælt einhverju opinberlega, en einnig af því að einum okkar skildist, að það væru svo margar bráðsætar femínistastelpur á lausu!