Verður Rafa rekinn?

Ja, mér er spurn. Þetta lítur amk ekki vel út núna í deildinni. Liverpool er að missa Arsenal - Man Utd og Chelsea fram úr sér. Að vísu er munurinn ekki ýkja mikill, en þó!

Jæja, maður bíður spenntur....og hugsar hlýtt til Gunners, sem spila á morgun.

Reading vann góðan sigur á Liverpool, 3:1

Glæpamaður

Alveg rétt. Og þessi krimmi komst til valda með "lýðræðislegum hætti", eins og Hamas, Chavez og fleiri góðvinir/góðavinasamtök sumra Íslendinga.

En ég skil ekkert í Sveini Rúnari að hafa ekki stofnað vinasamtök Íslands og Zimbabwe? Já, og lýst yfir stuðningi við þennan rudda.

En hver veit nema SR stofni vinasamband við hvíta minnihlutann? Er hann ekki kúgaður?

Fogh segir Mugabe glæpamann

Íslenskir drykkjurútar?

OK, áfengisdrykkja hefur aukist töluvert hér á landi frá 1980, og mest allra ríkja í OECD.

 

En mig grunar að 1980 hafi Íslendingar drukkið minnst, enda var þá bjór bannaður og úrval léttvína lítið, svo drykkja fór aðallega fram á fylleríum og í bóhemisma...að því að ég best veit.

 

Drykkjusiðirnir hafa breyst. FLeiri drekka og oftar, en sennilega hlutfallslega minna í einu. Menn eru ekki á stöðugum brennivínsfylleríum.


Annars þekki ég engar tölur og tilheyri ekki þessum heimi sjálfur, en mig grunar að Íslendingar séu enn aftarlega á merinni í drykkju í löndum OECD, þó hlutfallið hafi aukist á 25 árum. Enda drekkum við aðeins 7,1 lítra á haus, miðað við 9,5 (ef ég man rétt) meðaltal OECD.

Og Írar drekka mest. Það kemur ekki á óvart!

Áfengisdrykkja jókst mest á Íslandi

Barátta öryrkja

Þetta er auðvitað réttmæt krafa. Það gengur ekki að láta þúsundir manna fara í jólaköttinn í desember...og hið sama gildir auðvitað á tilkomandi mánuðum líka. Það þarf að búa sómasamlega að öryrkjum, hjálpa þeim með fé sem ekki geta unnið og hjálpa til vinnu þeim, sem eitthvað geta unnið.

En það háir hins vegar öryrkjum, að Sigursteinn Másson er formaður ÖBÍ. Mig grunar, að hann hafi frekar verið öryrkjum til trafala en hitt.

Öryrkjar vilja aðgerðir strax