Verður nokkur berklaveikigirðing í Keflavík?

Maður bara spyr!

Schengen svæðið stækkar í nótt

Góð ráðning - góður maður

Til hamingju Þorsteinn. En þú ferð nú varla að segja þig úr TR og ganga í SA, er það nokkuð?

Þorsteinn Davíðsson skipaður héraðsdómari

Rosaleg jólaverslun

Eg reyndi að fara í Kringluna um fimm leytið í gær. Það gekk ekki, því hvergi var bílastæði að sjá. Ég fór í Smáralindina í staðinn, og þar fékk ég loksins stæði úti í móa, eða samasem. Og eftir rúnt endaði ég í Hagkaup; en þá fór rafmagnið af fimm eða sex sinnum meðan ég var þar inni. Sennilega hefur kerfið ekki meikað svona marga gesti inni í einu?  En þarna var semsagt troðið út úr dyrum, eða svo gott sem.


Fór svo í Kringluna aftur um 2 leytið í dag og fann loksins stæði eftir kortérs rúnt, rétt við útganginn hjá Borgarleikhúsinu.

Gjörsamlega troðið og mikið að gera alls staðar.


Eru Íslendingar orðnir gjörsamlega snælduvitlausir fyrir jólin?

Góð áhrif óveðursins á verslun

Meira bankaruglið

Var ekki um að ræða mistök bankans? Þá á bankinn að bera skaðann. Þetta er a.m.k. verulega shaky.

 

Annars hef ég ekkert vit á svona.

Skilorðsbundið fangelsi fyrir að nýta sér kerfisvillu banka

Berbrjósta stúlkur

"„Við viljum, að okkar brjóst verði jafn „eðlileg” og ótengd kynlífi sem bringan á karlmönnum svo að við getum líka farið úr að ofan á fótboltaleikjum,” sögðu þær."





Ja, ég er viss um að þetta myndi auka aðsókn á kvennafótboltaleiki og verða til að fleiri leikir verði sýndir í sjónvarpi.

Er það ekki það sem t.d. femínistar vilja?

Vilja bera brjóstin

Góð forysta -- léleg stefna?

Kannski er jafnaðarstefnan ekki að virka í Danmörku?

Kannski Danir séu búnir að fá nóg af "afturhaldskommatittunum" sínum og "stefnu" þeirra?

Danskir jafnaðarmenn í sjálfsskoðun

Væl

Ef Benni er svona tapsár, hefði hann kannski átt að stilla upp sínu sterkasta liði í gær, því hálft a-lið og hálft b-lið Liverpool er greinilega ekki að gera sig.

Og það þó b-liðsmenn Liverpool hafi nú kostað skildinginn á sínum tíma og séu nær undantekningarlaust mjög reyndir kappar.

Greinilegt að aðeins einstaka félög geta stillt upp góðu b-liði! Því það er ekki nóg að setja þekkt nöfn á pappír. Mennirnir þurfa að geta spilað.

AÐ vísu var mótspyrnan hörð. Chelsea stillti upp næstum því sínu sterkasta liði (sem völ var á), eða jafnvel sínu sterkasta. En svona er lífið í boltanum.

Benítez: Dómarinn átti að grípa inní

Forsjárhyggjan

Hér í den voru sett lög á Íslandi um, að ákveðnir einstaklingar mættu ekki eignast börn. Það var gert undir merkjum mannkynbótafræðanna og var Vilmundur landlæknir helsti forvígismaður þessa. Hann skrifaði jafnvel rit, sem fylgdi með sem útskýringakladdi fyrir þingmenn.

Þá átti semsagt að vana þá, sem væru "óhæfir", s.s. glæpamenn af slæmum toga, geðsjúka, þroskahefta og fleiri slíka, ef ég man rétt.


En nú á semsagt að hindra að feitir fái aðstoð við að eignast börn. Og næsta skrefið verður þá vísast það, að gelda þá og vana, eða hvað sem menn vilja kalla það.


Kannski ætti maður að fara í fyrirbyggjandi aðgerðir og drífa sig í að unga eins og 1-2 stykkjum út, áður en mér verður það bannað?

Feitar fá ekki tæknifrjóvgun