Undanúrslit ensku deildarbikarkeppninnar

Arsenal - Spurs
Chelsea - Everton


Rosalegt fjör. Heima og heiman. Rosalegir leikir. UNglingalið Arsenal gegn aðalliði Spurs. Hvernig ætli það fari.

Síðan er Chelsea - Everton.


Kannski Everton nái að stríða Chelsea, sem tók Liverpool í bakaríið í kvöld.

Hneyksli. Skandall.

Nú fær maður ekki frið á næstunni fyrir commentum frá ákafasta Stjörnumanni sem ég þekki, JHR.

Og það versta að tapa fyrir litla liðinu í bláu búningunum.

Öruggur sigur Stjörnunnar - Valur lagði HK

Beckham slappur

Þetta er nú lélegt. Bara 100.000 kall?? Hann hlýtur að gefa henni eins og einn Porsche í leiðinni. Þetta er svona eins og venjulegur Íslendingur með 350.000 kall á mánuði með yfirvinnu færi að gefa konunni sinni kók og prins.


En kannski ágæt gjöf fyrir svona snobbhænu.

Árituð bók handa Viktoríu

Vel gert Erla Ósk

Kominn tími til að kitla risann aðeins. En hins vegar er þetta lélegt hjá bandarískum yfirvöldum, að geta ekki a.m.k. beðist afsökunar.

En eins og systemið er þarna, er þetta samt meira en ég bjóst við.

Og utanríkisráðuneytið stóð sig vel, og erindrekar þess og ráðherra, rétt eins og t.d. svipuðu máli sem kom upp fyrir nokkrum árum.

Erla Ósk fagnar niðurstöðunni

Pútín I Rússakeisari?

En á þá ekki afkomandi hans að taka við?


Ég er alveg steinhissa á þessu. Að vísu hefur Pútín komið á ákveðnum "stöðugleika", en verðið er hátt. Frelsi afnumið og fleira í þeim dúr.


Pútin er þó ekki alslæmur, þó mér hugnist ekki stjórnarfar hans. En hann vann amk það afrek að hrekja Kasparov út stjórnmálunum.

Time velur Pútín mann ársins

Jón Viktor til Real Madrid

Jón Viktor, a.k.a. Uglan, hefur því verið keyptur til Real Madrid.

Ætli Real sé búið að stofna skákdeild?

Ránfuglar ráðnir til Real Madrid

Auglýsingar í Áramótaskaupi

Ok, ég þoli ekki auglýsingar í miðjum þáttum eða myndum.

En gera má undantekningu núna, því margir þurfa að komast á klóið til að kasta af sér ölinu.

En ég get þó fallist á þetta fyrir mitt leyti til að lappa aðeins upp á fjárhag RUV, þó ekki sé nema til að geta borgað köntrí-sveitinni sem styrinn mikli stendur um.

Kvartað vegna auglýsingar í Áramótaskaupi

Arsenal vs. Liverpool

Merkileg síðan sem ég linka hér á (takk Bjössi fyrir að msn-a henni á mig) um kaup og sölur leikmanna helstu liðanna í Englandi.


Þarf varla að segja frá því, að Arsenal hefur eytt lang minnstu af stóru liðunum, jafnvel minna en SPurs, Newcastle og slík lið, of jafnvel minna en sum önnur!



Jæja, hvernig eru a-liðin hjá Liverpool og Arsenal sett saman?

Manuel Almunia 2.5 m (uppí skuld Celta vigo) 
Clichy 250.000
Sagna 6 m.
Robin van Persie 2,75 m. 
Cesc Fabregas 0
Flamini 1 m.
Adebayor 3 m.
Rosicky 6,8 m.
Hleb 9,9 m
Gallas 0
Toure  150.000

(Ef menn vilja hafa Eboue 1 milljón inni fyrir t.d. Persie, 2,75 m, er það í lagi mín vegna!).

Heildarkaupverð  a-liðs Arsenal:  32 millur

Mascherano 18 m. (til agentsins)
Gerrard 0
Arbeloa 2,6 m
Torres 26,5
Kuyt  9 m.
Reina  6 m.
Agger  5,8 m
Babel  11,5 m
Riise 4 m.
Carragher 0
Benayon 5

Heildarkaupverð c.a. a-liðs Liverpool:   88,4 millur

Hvernig er staðan í deildinni?

Og þá eru ekki tekin með ýmis "snilldarkaup" Liverpool á síðustu árum, meðan Arsenal er nánast á "sléttu", þ.e. seldir leikmenn vega nokkuð hressilega upp í kaup á nýjum.

Óskabarn þjóðarinnar?

Eða óskabarn samkeppniseftirlitsins?

Nú er af sem áður var, þegar ekki mátti tala illa um Eimskip, nema af Hafskipsmönnum.

Eimskip fær 310 milljóna sekt

Ýmislegt að gerast þarna suðurfrá

Jæja, nú líður að jólum í Landinu helga. En jólafriður er ekki mikill, þó ástandið sé vissulega skárra núna en oft áður.


Frá mínum bæjardyrum séð er ýmislegt að frétta. Meðal annars eru ákveðin vandræði í samskiptum Ísraels og Egyptalands, eftir að Ísraelsmenn sendu vídeóupptökur af egypskum hermönnum hjálpa Hamas við að smygla vopnum inn á Gasa. Og jafnframt hverfi hópar Hamas manna frá Gasa, undir því yfirskyni að fara í pílagrímsferð, en séu í raun á leið til Írans í þjálfunarbúðir. Þetta, og skýrslur amerískrar sendinefndar, sem m.a. rannsakaði landamæri Egyptalands og Gasa og athugaði smyglgöng Hamas manna, gæti þýtt að fjárhags- og e.t.v. hernaðaraðstoð Bandaríkjanna við Egypta verði seinkað, uns úrbætur hafi verið gerðar og vopnasmyglið til Gasa hefur verið stöðvað. Það gæti gengið illa, því Mubarak, forseti Egyptalands, vill frekar að vopn fari til Gasa en til Kairó. En Kanarnir hafa lofað að hjálpa Egyptum að stöðva vopnasmyglið.


Og Hamas heldur rallí og kennir Ísraelum og Vesturlöndum um slæmt ástand mála á Gasa (og jafnvel nokkrir hér á landi taka undir!). Condí Rice, utanríkisráðherra Bandaríkjanna, neitar því alfarið og segir, að Hamas sé um að kenna með framferði sínu, stefnumálum og kúgun þegna sinna. Já, Hamas er öflugt, á stuðningsmenn víða, hér á Íslandi og í Arabaheiminum, en t.d. er óvíst hvort arabaríkin greiði umsamda styrki til Palestínsku heimastjórnarinnar til að styggja ekki Hamas.


En er ekki allt í góðu milli Abbasar og hans manna og Ísraela? Ja, ekki alveg, en nýlegt morð á Ísraela á Vesturbakkanum var framið af öryggissveitum Abbasar og með vopnum, sem Ísrael heimilaði innflutning á, til að styrkja öryggissveitirnar. Svona "smámál" eru kannski ekki ágreiningsefni ein og sér, en þegar mörg slík mál safnast saman, gætu þau haft áhrif á samskiptin, ekki síst þegar tvítungan fræga er aftur komin á kreik, en eins og á dögum Arafats er leiðtogi Palestínumanna jafnan með tvær tungur í gangi, þá friðsamari gagnvart Ísraelum og Vesturlöndum og aðra herskárri, sem notuð er í tilkynningum til eigin manna.


Árás Ísraela á eldflaugaskotmenn Islamic Jihad hefur heldur varla orðið til að auka friðinn, en atlagan var gerð á hendur mönnum, sem hafa staðið fyrir eldflaugaárásum á Ísrael meira og minna daglega í 18 mánuði.

Og "góðar" fréttir frá Íran. Lögreglan var að enda við að loka 24 internet-kaffihúsum vegna siðspillingar internetsins, að því að segir í frétt Reuters og New York Times.

Æjá, ýmislegt að gerast, en ekki allt jákvætt.