Enn fleiri fréttir af Ólafi F.

Nú hefur skrifstofa borgarstjóra borið til baka sögusagnir þess efnis, að hann sé borgarstjóri. Það hafi verið á misskilningi byggt. Jafnframt er borið til baka að skrifstofa borgarstjóra sé í raun skrifstofa borgarstjóra.

Síðan er borið til baka það sem var borið til baka hér að ofan.

Bera til baka fréttir um Tjarnarkvartett

Ólafur F. að missa það?

Jæja, Ólafur að missa það?

Hvað á maður að segja? Fylgislaus maður hrifsar til sín völd vegna oddaatkvæðis síns, hagar sér eins og einræðisherra og gerir hvern skandalinn á fætur öðrum, bruðlar með almannafé og tekur ekkert tillit til samstarfsflokksins (sem hefur 6-1 fulltrúa).

Og síðan þegar 6-1 aðilinn vill ekki lengur láta bjóða sér þessa einræðisstjórn Ólafs F. býðst hann til að segja af sér til að tryggja að þeir sem hann hafði kúgað fengju ekki að komast til valda, eins og hann hafði sjálfur samið um.

En hvað hefur Ólafur upp á að kvarta við Sjálfstæðisflokkinn? Að hann vildi brjóta af sér hlekkina og losna undan kúguninni?

Manni er svo gjörsamlega misboðið að ég veit ekki um nein orð til að lýsa þeim viðhorfum sem ég hef í þessu máli.

Ég vitna því bara í Jenný og segi: "Afsakið meðan ég æli".

Ólafur vildi Tjarnarkvartett

Íhaldsflokkarnir tveir í samstarf?

Hér forðum töluðu sósíalistarnir gjarnan um "Íhaldsflokkana tvo", Sjálfstæðisflokk og Framsóknarflokk, annars vegar bæjaíhaldið og hins vegar sveitaíhaldið.

En íhald er stundum (oft, yfirleitt) ágætt. Óþarfi að henda því sem reynst hefur vel.

En þessi einræðisstjórn Ólafs Friðriks hefur ekki reynst vel. Það verður að viðurkennast. Að vísu skárri pakki en sá sem áður var, en samt ekki nógu góður. Óþolandi að einn oddamaður geti kúgað aðra til hlýðni með þessum hætti.

En jæja, þetta virðist vera mun betra system. Og föðurnafnið hjá Óskari tryggir gæðin.

Nýr meirihluti að fæðast

Keppt í þukli

Tveir flokkar; a) reyndur þuklarar, b) óreyndir þuklarar.

Spurning hvað dýraverndunarsamtök segja við þessu?

Keppt í hrútaþukli

Borgarfulltrúar segja fátt

Jæja, þeir segja þó ekki vitleysu á meðan.

En merkilegt er þetta:

"Hvorki Ólafur F. Magnússon, borgarstjóri, né Hanna Birna Kristjánsdóttir, oddviti sjálfstæðismanna, hafa ekki sést þótt fundur borgarráðs sé hafinn."

Úff...og þetta heldur áfram. Það hlýtur að koma að því að dregið verður af launum blm. fyrir villur í texta!

Borgarfulltrúar segja fátt

Bubbi að fjölga mannkyninu?

Já, blessaður kallinn.

Það væri nú gaman fyrir hann að fjölga með hinni ungu og fallegu konu sinni. Ef satt reynist. Þá óska ég þeim vitaskuld til hamingju.

En hvort Hrafnhildur er eða er ekki ólétt, kemur mér eða öðrum óviðkomandi faktískt ekki við. Þó menn séu opinberar persónur ættu þeir nú að eiga eitthvað í friði.

En á hinn bóginn er það hlutverk Séð og heyrt og svoleiðis miðla að flytja skúbb af því sem ritstjórinn heldur að almenningur vilji vita.

 

Bubbi: „Hef hlutina fyrir mig"

Erfitt gegn Kóreubúunum

Kóreubúarnir núna yfir 12-9. VIð höfum brennt mörgum færum í röð. Sóknarleikurinn gjörsamlega ónýtur.

Hvaða rugl er þetta eiginlega?

Ísland tapaði með einu marki fyrir Suður-Kóreu

Grýlan í nótt

Úff, hver man ekki eftir þeim skelfilegu mómentum þegar "strákarnir okkar" voru flengdir af óþekktum Kóreubúum í Sviss 1986?

Síðan höfum við átt einstaka fína leiki gegn S-Kóreu, m.a. í miklum markaleik sem ég man eftir, þar sem bæði lið skoruðu hátt i 40 mörk, sem þótti mikið á þeim tíma.

En nú er bara fyrir strákana að taka þetta.

Áfram Ísland.

Ég verð mættur fyrir framan sjónvarpið rétt fyrir sex í fyrramálið.

Ég treysti því að nafnið tryggi gæðin nú eins og áður í þessu móti.

Ísland mætir Suður Kóreu í fyrramálið

Kjúklingarnir stóðust álagið

Jæja, mikil meiðsli gerðu það að verkum að 16-18 ára strákar voru áberandi í liði Arsenal í kvöld, en það kom ekki að sök. Sérlega var miðjan ungleg, en börnin stóðu sig vel og gáfu ekki mikið eftir amk.

Framtíðin er björt greinilega og solid 0-2 sigur Arsenal í Hollandi.

Áfram Arsenal.

Arsenal stendur vel að vígi

Nýr borgarstjórnarmeirihluti?

Sjálfstæðisflokkur og Framsóknarflokkur?

Já, ekki vitlaust. Þá væri kannski hægt að reka þessa borg almennilega. Halda bæði sósíalistum og einræðisherrum frá stjórarstólunum.

En hvað með Óskar Bergsson?

Hann virðist ágætur og ekki er verra, að föðurnafnið tryggir gæðin.

 

Fréttamenn bíða í Ráðhúsinu