Brjálað veður

Ég sit hér á skrifstofunni kl. 06.40 og hlusta á storminn gnauða fyrir utan gluggann. Ljósastaurar hristast og skjálfa, og jafnvel 1,3 tonna bíllinn minn var rétt áðan í svipaðri aðstöðu.

Og ég hafði skilið gluggann eftir opinn í gær, þegar ég fór heim. En allt í góðu.


Persónulega vil ég frekar fá rok og rigningu en frost á Fróni, jafnvel í öfgakenndri útgáfu. En ég held þó, að margir séu ekki sama sinnis, sérstaklega þeir sem verða fyrir tjóni vegna þessa.


En "gaman" samt að fá smá öfgar í veðrinu stöku sinnum, rétt til að  minna okkur á, að við búum á Íslandi. 

Stormviðvörun

Cappello landsliðsþjálfari Englendinga

Ok, Englendingar munu á komandi misserum ná betri árangri með landsliðið, það er pottþétt.

En leiðinlegan fótbolta munu þeir spila...og var ekki ábætandi. Úff, þetta verður leiðinlegasta landslið heims...sorry, næst leiðinlegasta, á eftir Íslendingum.

Ráðning Capellos staðfest með fyrirvara

Svangur þjófur

En merkilegt að JustEat skuli ekki hafa fattað þetta með Auðun Blöndal?

En hvorn ætli þjófurinn hafi átt við, sjónvarpsmanninn eða afann?

Sveik út skyndibita fyrir 126 þúsund

Skráaskiptadómsmálin

Mér skildist að DC ++ málið hafi átt að koma fyrir dóm í vikunni, eða eikkað svoleiðis. Veit einhver hvernig það dæmi fór?

Og torrent.is málið átti að vera í dómsal í gær, 12. des., þar sem átti að reyna að hnekkja lokun síðunnar. Veit einhver eitthvað?

Réttilega að staðið!

Og hún má svosem í leiðinni krefjast afsökunarbeiðni fyrir fleiri, sem hafa lent í svipuðu.

Mun krefjast afsökunarbeiðni

Snjóboltakastið kært!

Þessi kona er nú ekki með öllum mjalla. Greinilegt að Ástralir eru óvanir snjó og snjóboltum.

Þetta hefði nú verið kallað "ástarbolti" hér í den, en að kalla svona "illvíga árás" er auðvitað tóm della.


Hitt er svo annað mál, að stundum er óþægilegt að fá í sig snjóbolta, en að kæra menn fyrir svona er auðvitað út úr öllu korti.

Sakaður um snjóboltaárás

Réttur til málþófs?

Jæja, þingskaparmálið heldur áfram á þingi. Nú vilja allir flokkar, nema VG, hagræða í þingsköpum og gera þau nútímalegri. VG er einn flokka á móti, enda hafa málþæfingarmenn gjarnan komið úr þeim flokki, eða forverum hans.


Málþóf á þingi getur verið hrútleiðinlegt, ekki síst þegar málþófi er beitt á slæmum tímum, t.d. þegar stutt er eftir af þingi og svoleiðis, svo nauðsynleg mál verða eftir og ná ekki að klárast. Og til hvers að beita málþófi? Jú, til að tefja mál frá því að vera samþykkt, ekki til að stöðva þau.


Málþóf er semsagt framið til að hindra hin lýðræðislega kjörna meiri hluta frá því að koma málum í gegn um þingið. Réttur meiri hlutans til athafna er þarmeð takmarkaður, aðeins til að hávær minni hluti nái að gaspra og vekja athygli á sérskoðunum sínum.


Ég er á móti tilgangslausu málþófi, sem hamlar lýðræði og skerðir virðingu Alþingis. Þó minni hluta menn hafi vissulega málfrelsi, skv. lögum og stjórnarskrá, getur hann þá bara komið skoðunum sínum á framfæri á viðeigandi stöðum, t.d. með útgáfu dreifibréfs eða einhverju, í stað þess að trufla starfsemi þingsins og gera þingmenn gráhærða fyrir aldur fram.


Ég held að VG sé hér að gera stór mistök, pólítískt séð. Fyrir utan þann hefðbundna frasa, að VG sé "alltaf á móti öllu", þá sé ég ekki betur en að flestir landsmenn séu þreyttir á málþófi VG-manna á þingi og vilji takmarka ræðutímann, enda hljóta þingmenn að vera það sjóaðir, að þeir geti komið máli sínu til skila á skemmri tíma.

Réttur til málþófs? Nei takk.

Rætt um fjárlög til rúmlega 3

Þegar eldur kemst í rassinn á fólki

hlýtur það að brenna.

Amk um stundarsakir.


En það er vísast hrikalega vont að láta Ashotið á sér brenna og geta ekkert við því gert.


Það hlýtur jafnvel að vera verra og sársaukafyllra en að horfa á Blackburn spila rúb...afsakið, fótbolta.

Eldur kviknaði í sjúklingi á skurðarborði

Glæsilegt

Vel valið. Mjög vel valið.

Til hamingju Freyja.

Freyja er kona ársins hjá Nýju lífi

Stjörnuspáin í dag - meira ruglið (as usual)

Stjörnuspá

Hrútur: Öll verk sem þú framkvæmir bara fyrir peningana eru dæmd. Gerðu það fyrir skemmtanagildið, spennuna, ástina. Þegar hjartað kemur við sögu, geturðu ekki annað en unnið.


----------------

Hver semur eiginlega þessar stjörnuspár? Ef maður framkvæmir bara fyrir spennu, skemmtun og ástina myndi maður enda á framfærslu hins opinbera, annað hvort geðveikur eða staurblankur.

En ok, óþarf að gera allt "bara fyrir peningana",  alveg rétt, en það þarf líka. Til hvers fara menn í vinnu sína að morgni? Jú, flestir gera það "bara fyrir peningana". Mörgum finnst gaman í vinnunni, en myndu eflaust þiggja að sitja heima, ef þeir fengju borgað fyrir það jafn mikið eða meira.

Og þetta síðasta; úff, eins gott að maður er laus við rómantíkina akkúrat núna. Maður er orðinn gamall og þreyttur, og nennir ekki að standa í þessu, amk ekki akkúrat núna.


------

En góðu fréttirnar, ég var að kaupa mér flottan bíl! Eins gott að ég vann sum verk "bara fyrir peningana".