Kínamúrinn hrynur

Þetta mál er nú hreint með ólíkindum. Þetta var slæm sending frá risanum í austri.

En geta erlendir borgarar bara labbað hérna inn, stofnað fyrirtæki, hneppt fólk í þrældóm, rekið fyrirtækið í þrot og síðan stungið bara af?

Kínverjarnir farnir úr landi

Kaupþing og Khadafi

eru orðnir viðskiptafélagar.

Jahérna.

Kaupþing mun vísast græða á þessu, þó ekki sé nema með því að koma á tengslum við olíumillana í Líbýu.

Kaupþing og stjórnvöld í Líbýu fjárfesta í olíufélagi

Umburðarlyndið

Æjá, og þetta lið vilja Múllah Ögmundur og vinir hans brosa til með kærleika og vinarhótum.

Svei.

Hóta hryðjuverkum í Danmörku

Ha?

Ok, gott að greina frá því að leikur FH og Fram hafi verið færður fram um einn dag, frá upphaflegu leikplani, og hefjist kl. 21.00 á Laugardalsvelli.

En það hefði e.t.v. verið betri að hafa einhverjar dagsetningar með fréttinni? Hvaða dag munu þessi lið spila?

Það gagnar lítið að vita klukkan hvað liðin spila, ef menn vita ekki hvaða dag?

Fram og FH spila seint

Nálgunarbann

Er ekki hægt að setja nálgunarbann á suma þingmenn frá Alþingi, þeir virðast bara vera til óþurftar þarna inni?

Beðið eftir nálgunarbanni

Hættuleg íþrótt

Það hefur löngum sannast að golf er ofbeldisíþrótt. Þetta er gott dæmi.

Spurning að fara að setja lög þess efnis, að leikmenn þurfti að geyma kylfur sínar í klúbbhúsinu og fái þær ekki afhentar nema meðan á leik stendur

Réðust á mann með golfkylfum

Það er svona að trúa auglýsingunum

Var ekki alltaf sagt: "Lambakjöt á diskinn minn" hér forðum daga. Ronnie hefur greinilega tekið þær auglýsingar of alvarlega.

Ronnie beint í faðm ástkonunnar

Bömmer. Ég segi upp líka.

Upp.

Keegan hættur hjá Newcastle

Á að handtaka Osama bin Laden?

Æ, ég hef nú eiginlega þá skoðun, að Bandaríkjamenn vilji ekki handtaka bin Laden. Þeir hafa haft fjölmörg tækifæri til þess.

Ég meina, ég gæti látið handtaka bin Laden á nokkrum vikum hefði ég full völd yfir her og öðru batteríi Bandaríkjanna. Það vantar bara pólítískan vilja til aðgerða.

Mig grunar að það henti Bandaríkjamönnum betur að hafa "grýluna" þarna úti, s.s. til að réttlæta það að halda áfram báráttunni gegn hryðjuverkum með meðfylgjandi brotum á eðlilegum mannréttindum fólks, bæði heima og erlendis.

Ef bin Laden yrði handtekinn gæti Pandóruboxið opnast og alls konar óþverri komið upp. Og það gæti jafnframt haft þær afleiðingar, að hinn íslamski heimur myndi springa og staða heimsmála versna jafnvel enn frekar.

En hvað veit ég? Ég hef, ólíkt bin Laden, setið í bandarísku fangelsi vegna grunsemda um hryðjuverkastarfsemi.

McCain segist vita hvernig handsama megi bin Laden

Grúsk: Reykjavík um og eftir aldamótin 1900, I.hluti

Var að fletta gömlum "fælum" í tölvunni og rakst á nokkra kafla sem áttu að vera í M.A. ritgerðinni og síðar doktorsritgerðinni sem hvarf í innbrotinu fræga með öllum afritum. Ég fékk þá hugmynd að lauma þessu hér á bloggið í litlum bútum.

Vil jafnframt benda á smá sögukafla, sem ég tók saman um stofnun Taflfélags Reykjavíkur 1900, á  heimasíðu Taflfélagsins.

-----------

Eins og hegðun lýsir innri manni, birtist skapgerð þjóðar í háborg hennar. Reykja­vík reis eins og fuglinn Fönix úr öskustó sveitanna og þandi vængi sína stöðugt lengra inn í landið. Vöxtur bæjar­ins var hægur til að byrja með, en loks þegar angar sveita­kolbrabb­ans los­uðu tök sín af þjóðarsálinni, hófust stór­felldir fólks­flutn­­ingar á mölina. Íslenski torfbærinn, sem verið hafði „menn­ingar­tákn frum­þjóðar,”[1] var nú á undanhaldi fyrir steinsteypu og inn­fluttu timbri. Ís­lend­ingar höfðu fengið sína eigin háborg stjórnsýslu og við­­­skipta, mennt­­unar og menn­ingar. Hún var Aþena sumra en Sódóma ann­arra, elsk­uð og hötuð, heim­ili hundruða en fjarlægur draumur margra, sem þjak­aðir voru af átt­haga­fjötr­um og vistar­bandi. Skap­gerð þjóðarinnar var ekki leng­ur opin­­beruð frá hálf­hrundum mold­ar­kofum, heldur virðulegum mið­­bæ Reykja­víkur. Hinn öri vöxt­ur Reykjavíkur, sem að sögn Laxness var „erfða­menn­ingarlaust ný­lendu­þorp,”[2] hafði þau áhrif, að heims­menn­ingin hóf smám sam­­­an að festa dýpri rætur í reykvískri mold. Veitinga-, gisti- og kaffi­­­hús höfðu sprottið upp með reglulegu millibili, og skemmt­­­­ana­­­líf erfða­menn­ing­ar­lausra Reyk­vík­­inga varð sífellt fjöl­breytt­ara. Síðan var Leikfélag Reykja­víkur stofn­að 1897, kvikmyndahús hófu starf­semi sína og fleira mætti telja til.[3] Ís­lensku sveita­lubbarnir voru nú smám sam­an að taka á sig nýju klæðin heims­­borg­ar­ans.

 

[1] Halldór Laxness: Alþýðubókin, 125.

[2] Sama, 96.

[3] Guðjón Friðriksson: Saga Reykjavíkur 1870-1940. Bærinn vaknar (I-bindi. Rvík 1991), 167-200, 449-473.