Franska ríkið á hausnum

Jæja, þetta er önnur fréttin um þetta mál, eða þriðja. Hér um daginn var talað um, að sjóðasukkið í Frakklandi hefði sett ríkiskassann á hausinn, þ.e. endalausar niðurgreiðslur og allskonar fyrirgreiðslur til einstaklinga eða fyrirtækja.

Greinilegt að framsóknarmenn hafa stjórnað of lengi í Frakklandi.

Franska ríkið í miklum fjárhagserfiðleikum

Slagur uppi og niðri

Jæja, úrslitin í enska boltanum í dag voru nokkuð merkileg. Í botnliðaslagnum gerðu Bolton og Spurs jafntefli. Bolton virðist ekkert geta nú um þessar mundir, eftir að Big-Sam fór og Sammy little ákvað að reyna að láta liðið spila fótbolta, en ekki bara kýlingar og tæklingar. 1-1 semsagt, en þetta hljóta að vera vonbrigði hjá BOlton að ná ekki að sigra Tottenham, sem mín vegna má falla...þó ég efist um að svo verði.

 

1-0 fyrir Man Utd gegn Chelsea, þegar ég gáði síðast. Tevez skoraði undir lok fyrri hálfleik. Gott á þetta leiðinda Chelsea lið.


Og Pompey sigraði Blackburn rúbbíliðið á útivelli með marki frá fyrrv. Arsenal manninum Kanu. Newcastle vann West Ham, og Aston Villa vann Everton í innbyrðis slag "miðjuliðanna".

 

Óléttusögur

Jæja, þrjár óléttu/barneignafréttir frá stjörnunum í röð á mbl.is undir Fólkið. Salma Hayek orðin mamma, "Charlotte" í Sex in the City verður ólétt í myndinni og Aguilera ólétt af strák.

En ég sakna fréttar um óléttur milljóna kvenna út um allan heim. Þær fréttir eru ekkert síður merkilegar en þessar.

Verður persóna eitthvað betri og merkilegri, sem slík, við það eitt að eiga fullt af peningum?

Gengur með strák

Dagar hjá múnkum

eru greinilega orðnir fjölbreyttir. En mér finnst kominn tími til, að Myanmar-búar steypi þessari bullstjórn herforingjanna og komi á lýðræði -- sé það raunhæft í landinu, en um það veit ég ekki, en vona.

Þessi kúgunarstjórn hersins þarf að víkja. Punktur.

Nunnur bætast í hóp mótmælenda á Myanmar

Auðvelt

hjá Arsenal. Nú er vissulega gaman að vera Arsenal-maður eftir vonbrigði síðasta árs.

 

En nú er bara að halda áfram á sömu braut og taka þetta!

Stórsigur Arsenal - markalaust hjá Liverpool

Leiðinlegt

Þetta er eitt af leiðinlegustu mótum, sem ég hef orðið vitni að. Þessir miklu meistarar þora varla að tefla skák af ótta við að tapa. Og því verða þarna fjölmörg baráttulaus jafntefli.

 

Ömurlegt. Ég nenni a.m.k. ekki að fylgjast með þessu rugli áfram.

En

ég vona þó að Anand vinni.

Anand heldur forustunni

Enn ein ekki-fréttin af ofvöxnu gelgjunni

Hvað kemur okkur það við, hvort Britney gerist sek um smávægilegt umferðarlagabrot??

Britney Spears ákærð fyrir umferðarlagabrot

Styrkjasystemið

Jæja, þá eru Frakkar að fatta þetta. Hvað græða menn á ríkisstyrkjasysteminu?

 

Gjaldþrota ríkiskassa. Þetta lærðu Íslendingar fyrir löngu. En því miður hefur ekki tekist að venja okkur af þessu algjörlega!

Forsætisráðherra Frakklands segir ríkið á barmi gjaldþrots

R-listaklósettið hreinsað

Jæja, hreinsunarstörf ganga vel í borginni. Borgaryfirvöld geta bráðum farið að einbeita sér að stjórnun borgarinnar, en hingað til hefur það verið helsta hlutverk þeirra, að hreinsa upp sóðaskapinn sem R-listinn skildi við sig, ekki síst í Orkuveitunni, sem var einskonar egóflippleikvöllur R-listamannanna.

Og sóðaskapurinn berst víða -- nú hefur tilgangslaus nefnd, sem stofnuð var til að gleðja Alfreð Þorsteinsson og veita honum smá bitling í þakklætisskyni fyrir að spandéra fjármunum borgarbúa í allskonar húllumhæ, verið aflögð. Kominn tími til.

En mikið vildi ég, að R-listagengið kæmist til valda í Kaupþingi. Þá fengi maður vísast borgað fyrir að fara yfirum á debetreikningnum.

Risarækjueldi hefur engum tekjum skilað

Luciano Cortes?

Jæja, nú er Nonni farinn út í heim að meika það. Manni varð eftir heima, eins og í raunveruleikanum. Og, eins og "alvöru Nonni" forðum, hefur Garðar Thor "meikaðað". Á skömmum tíma hefur hann slegið í gegn í Englandi og víðar, enda syngur hann alveg ofboðslega fallega strákurinn. Og ég sem hef engan áhuga á svona músík, viðurkenni það glaður.

Það besta við, að Garðar Thor skuli "meikaðað" er, að hann er góður fulltrúi Íslands og íslenskrar tónlistar. Hann er einfaldlega "nice guy", góður strákur sem fer í kirkju einu sinni í viku, er ekki í neinu veseni og ólifnaði, er stilltur og prúður, kem vel fyrir og fram.


En hann þarf að fitna all hressilega, ætli hann að komast i fötin hans Pavarottis.

"Það kemur enginn í hans stað"