Kátir piltar höfðu þá rétt fyrir sér!

En, ok, kjörþyngd. Hún er algildur mælikvarði svosem. Ég er viss um að t.d. Jón Páll var vel yfir kjörþyngd, jafnvel þegar hann var allur skorinn og flottur í líkamsræktarkeppnum. Og sumir hafa þannig líkamsbyggingu, að þeir eru þungir, þó þeir séu ekki beinlínis feitir og jafnvel ekki þéttir heldur.

En hvað snertir konurnar, þá virðast Kátir piltar hafa haft rétt fyrir sér þegar þeir sögðust vera umsetnir á alla kanta af feitum konum.

Íslenskar konur þyngri en þær dönsku

Hvers vegna fengu Kínverjar þróunaraðstoð frá Svíum?

Common. Kínverjar hafa verið miklu ríkari en Svíar í fjölda ára, þó auðvitað sé fátækt víða í sveitum landsins. En ef Kínverjar eru svona blankir, eða voru, gátu þeir bara minnkað hernaðaruppbyggingu sína. EN að vísu er rétt, að kommúnismi gerir fólk fátækt og kúgað. Sennilega hafa Svíar haft eitthvað slíkt í huga, þegar þeir hófu að styrkja Kínverja.

En í öllu falli þurfa Kínverjar ekki á þróunaraðstoð að halda, engu frekar en Íslendingar ættu að fara að styrkja Bandaríkjamenn.

Svíar hætta að styrkja Kínverja og Víetnama

Kvennalandsliðið lítur í eigin barm?

Eftir þennan tapleik held ég að margt fleira sé mikilvægara hjá stelpunum okkar en að fara í brjóstaskoðun.

Katrín Jónsdóttir: Verðum allar að líta í eigin barm

KR á botninn!

Jæja, ágætt. En agalegt að KRingar skyldu jafna gegn ÍA. En Skagamenn gátu ekki sloppið endalaust!

Nú fer þetta að verða spennandi. En helst vildi ég losna við (sorry) HK eða Víking. Það yrði sjónarsviptir af KRingum og mínum mönnum í FRAM.

Fram sendi KR á botninn með 3:0 sigri gegn HK

Skaginn að vinna KR?

Ja, staðan er 1-0 fyrir ÍA, eða eiginlega 0-1.

Nú ætti vinur vor Einar K.  að gleðjast. Rammari ÍA mann þekki ég ekki, og fáir sem ég þekki eru jafn ánægðir þegar KR tapar!

Áfram ÍA

Valur og FH sigruðu - Guðmundur tryggði KR stig gegn ÍA

Gay heimsmeistari

Þetta hefur verið mikið gleðihlaup hjá honum þarna á HM!!!???

Tyson Gay varð heimsmeistari í 100 metra hlaupi

Tíðindalaust

Friðrik og Panno sömdu stutt jafntefli í síðustu umferð, enda vafalaust orðnir þreyttir, gömlu mennirnir.

Þrátt fyrir að hafa mátt sæta ryðgun, tefldi Friðrik frísklega og sýndi gamla takta. Og vonandi mun hann ekki leggja skákina aftur á hilluna, heldur grípa í mennina reglulega á næstunni.

Friðrik og Panno gerðu jafntefli

Erilsamt hjá lögreglu

Ég er hættur að botna í, hvað gengur eiginlega að landanum. Ástandið virðist sífellt vera að versna um helgar, og ekki aðeins að vandræði séu í miðbænum og á Suðurnesjum, eins og venjulega, heldur er þetta farið að breiðast út um alla borg og til úthverfanna.

Ég er farinn að halda, að rót alls þessa liggi í, að efnishyggjukapphlaupið hafi rifið í sundur sálir manna, sem eftir standa með tómleika hið innra, í sálu sinni og anda, og reyna að fylla þetta upp með því að drekka frá sér restina af vitinu um hverja helgi og helst að fá einhverja líkamlega útrás líka, annað hvort í slagsmálum eða með ofuráherslu á lárétta líkamsútrás.

Og þjóðin segist vera hamingjusöm í könnunum. En ég held samt að hún sé, heilt yfir litið, orðin tóm og þreytt á lífsgæðakapphlaupinu. Menn verða nefna ekki hamingjusamir af peningum, en eigi menn nóg af þeim, hafa Íslendingar etv eitthvað til að drepa tímann með í stað þess að láta sér leiðast.

Fjöldi slagsmála á höfuðborgarsvæðinu í nótt

Friðrik

Jæja, Friðrik hafði hvítt. Málið er, að hann er veikur með hvítt. Hann teflir upp á jafna stöðu, með hvítt, í stað þess að berjast fyrir frumkvæðinu. En hann er seigur með svörtu.

En gaman að sjá Friðrik aftur við skákborðið. Lengi lifir í gömlum glæðum.

Friðrik gerði jafntefli í dag

Góður sigur og sanngjarn

Jæja, þetta var sanngjarnt, að mínu mati a.m.k.. En merkilegt, að Arsenal tefldi eiginlega ekki fram neinum varnarmönnum frá því Sagna meiddist snemma í leiknum. Þá voru í vörninni Flamini (miðjumaður), Toure (kom til Arsenal sem kantmaður!), Gilberto (miðjumaður) og Clichy (sem er jú bakvörður, en er eiginlega vinstri kantur með varnarskyldur!!)

 

Jæja, kjuklingarnir hans Wengers unnu efsta liðið, milljónapundaliðið hans Ericsons. Það er ekki nóg að kaupa og kaupa...en vissulega er CIty komið með fínt lið núna.

Chelsea á toppinn