Ísí

þ.e. easy. Ég hefði nánast getað verið í markinu, því Almunia þurfti varla að snerta boltann í leiknum.

Mínir menn voru þó óvenju leiðinlegir, enda óþarfi að æsa sig, þegar 2-0 fylgdi frá Prag og síðan skoraði Rosicky eftir snilldarundirbúning Walcotts litla.

Síðan komu tvö í lokin.

En ég er farinn að hafa áhyggjur. Það vantar hafsent...bakkup, því enginn má meiðast og síðan fara Toure og Eboue í Afríkukeppnina eftir áramót.

 

En ég missti reyndar af leiknum. Sá bara nokkrar sekúndur á Billiardbarnum, en þangað kíkti ég beint frá SKákþingi Íslands. Jæja, hörkuskák miðað við lengd, en eftir rúma 20 leiki var komin upp steindauð staða gegn Þrölla og var samið jafntefli. Sjá www.skak.is með frekari úrslit.

 

 

Vandræðalaust hjá Arsenal

Hvað kostar heilaþvottur nú til dags?

Ekki nema Cruise, sá útvaldi, fái þetta frítt?

Tom Cruise sendi börn sín í sumarbúðir Vísindakirkjunnar

Þreytt.is

Ég held, að Lohan sé orðin mest þreytandi persónan í heiminum. Fer maður ekki að fá frið fyrir þessari ofvöxnu gelgju.

Og þetta lesum við gjarnan...engu að síður.

Þreytt.is

Lohan iðin við að brjóta reglur meðferðarstofnunar

Ekki reita arabískan markmann til reiði

Bönnum sykur

Sykurinn hefur drepið fleiri á Íslandi en eiturlyfin. Bönnun þennan ósóma.

Fyrsta skrefið væri auðvitað að banna sykur á veitingahúsum og börum. Síðan mætti halda áfram, skref fyrir skref, uns sykur hefði verið algjörlega bannaður á Íslandi.

Sykurinn verri en kókaín?

Hart barist í Landsliðsflokki

Það var hart barist í Landsliðsflokki Skákþings Íslands, en 1. umferð hófst í dag. Aðeins ein skák var í styttri kantinum, skák undirritaðs og Dags Arngrímssonar. Þar ruglaðist ég aðeins á leikjum og Dagur náði að jafna taflið og bauð jafntefli um leið, og það þáði ég.

Frekari upplýsingar má finna á www.skak.is, en þar er líka linkur, sem vísar á síðu þar sem skákirnar eru sýndar beint. Það ætti að vera skemmtilegt fyrir skákáhugamenn af hvaða styrkleika sem er.

Og síðan er von á fleiri skemmtilegum skákum á morgun.

Stórmeistararnir unnu í 1. umferð á Skákþingi Íslands

Sorglegt

Jæja, nú óttast maður helst að herinn láti til skarar skríða og taki völdin í sínar hendur. Ef ekki, má alveg eins búast við því, að hin veraldlegu gildi, sem hafa verið við lýði í Tyrklandi frá dögum Ataturks og e.t.v. aðeins lengur, fari smám saman að dvína.

Og ég sem er að fara til Tyrklands í október. VOnandi lendir maður ekki í borgarastyrjöld?

 

En í öllu falli verður það erfiðara núna fyrir Tyrki, að komast í Evropusambandið, þó mig gruni að Eiríkur Bergmann og fleiri láti íslamista ekki trufla sig svo mikið, þegar hin háleita hugsjón er til umræðu.

En ég ætla engu að síður að vona, að hinn nýi forseti verði a.m.k. rólegur í tíðinni fram í nóvember, og helst lengur.

Abdullah Gül kjörinn forseti Tyrklands

Jakob í Kexið

Jæja, þá er Jakob kominn í Kexið, eða svo kallast Kesckemét bærinn á máli skákmanna, sem hafa farið þangað reglulega á mót hin síðari ár.

Ég fór þangað 2002, en síðan þá hefur honum hnignað töluvert, amk fyrir aðkomumenn. Mafían hrakti burtu eina almennilega veitingahúsið í borginni, sem er c.a. á stærð við Reykjavík, fólksfjöldalega séð, en er að mörgu leyti stórt þorp engu að síður. Þarna er vissulega ódýrt að búa og staðurinn er miðsvæðis um það bil í Ungverjalandi, þó frekar til suður.

En ég átta mig ekki alveg á, hvað Jakob er að gera þarna. En mig grunar, að hann eigi eftir að leiðast í Kexinu, þó t.d. kínverska nuddstofan ætti að geta stytt honum stundir.

Jakob Örn til Ungverjalands

Hvalveiðarnar

Jæja, nú er Ísland ekki lengur útvegsþjóð á heimsmælikvarða. Ríkisstjórnin hefur látið undan þrýstingi, bæði utanaðkomandi og innanbúðar, en mér skilst að ráðherrar kratanna séu andsnúnir þessum veiðum.

En hitt er svo annað mál, að markaður er nánast enginn fyrir hvalaafurðir. En á móti kemur, að með hverjum hvali, sem veiddur er, minnkar fiskát hvala.

Með því að hætta hvalveiðum, eru stjórnvöld að ganga enn frekar á miðin umhverfis landið. En síðan er auðvitað spurning, hvort menn eigi meiri rétt á auðlindum hafsins en hvalirnir?

Persónulega vil ég leyfa hvalveiðar, en á hinn bóginn er ljóst, að tilgangslaust er, að veiða mat, sem enginn vill borða.

Nýsjálendingar fagna ákvörðun um hvalveiðar

CIA á Íslandi?

Eða er kannski Fischer bara með draumóra...eins og venjulega?

Fjallað um Bobby Fischer í El País