Fær Iceland Express fastan dálk á mbl.is?

Ja, t.d. mætti hafa sérstakan dálk, þar sem greint er frá því hvaða bilanir hafa átt sér stað síðustu 12 klst og hvenær búast má við að vélar fari í loftið, miðað við eðlilega seinkun og bilanatíðni.

T.d. Flug til London:

Áætlað: 07:15
Raunhæft: 10:15
Skekkjumörk vegna bilana: 6 klst.

Tafir hjá Iceland Express

Nú er lag fyrir Össur

Að hætta þessu veseni og gerast "talsmaður bleikjunnar" í Bandaríkjunum. Hann gæti fengið inni hjá sendiráðinu í DC eða undir verndarvæng sendinefndarinnar hjá S.Þ.. Nú, og vegna tímamismunar gæti hann bloggað á nóttunni og samt skrifað fyrir íslenskan dagbloggamarkað.

En ætli maður myndi nú ekki sakna karlsins.

Bleikjunni vel tekið í Bandaríkjunum

Steinríkur í Ástríksbókunum sagði

að Rómverjar væru klikk. Ég er ekki fjarri því að hann hafi rétt fyrir sér. Ætli þeir sumir hafi borðað of mikið pasta um ævina?

En þetta er auðvitað fáránlegt. Hvaða áhrif hefur kynhneigð fólks á það, hvort það sé hæft í akstri bíla? Þetta er eins og að reka fólk úr starfi fyrir að vera KR-ingar.

Fátt er svo með öllu illt

að ekki boði nokkuð gott.

Auðvitað er ég fúll yfir því að Framarar hafi tapað gegn Keflvíkingum, en á hinn bóginn er ég sáttur við að hafa Keflvíkinga á toppnum. Vonandi taka þeir þetta...eða Fjölnismenn!

Og já, ég hef búið á einum stað hér innanlands, utan Reykjavíkur og æskustöðvanna fyrir austan. Jú, um stundarsakir í Keflavík. Maður hefur því smá taugar til Keflvíkinga, eða öllu heldur þannig, að maður hefur ekkert á móti þeim, ólíkt sumum öðrum liðum í toppbaráttunni.

Kristján Guðmundsson: ,,Það verða fjögur til fimm lið í toppbaráttunni"

Copy Paste

Enginn prófarkalestur. Enginn yfirlestur. Þetta er hinn nýi Moggi. Valtýr Stefánsson hlýtur að snúa sér við í gröfinni.

SKil ekki af hverju þarf að hafa "<!--[if !supportLists]-->" í fréttinni. Og af hverju tók þýðandi fréttarinnar ekki eftir þessu?

----

En að efninu. Þetta kemur þægilega á óvart. Mikið var að gripið er til aðgerða gegn glæpastjórninni í Kartúm.

En hitt er svo annað mál, að ég efa stórlega að ríki heims séu tilbúin að sækja kauða þennan til saka, með valdi ef allt annað þrýtur.

Ákærur birtar

Sjálfsmeiðsli

"Self-inflicted", eins og Kanarnir segja. Hann var semsagt að gera glæfraæfingar að ásettu ráði, eins og segir í annarri frétt Moggans.

En hver leyfir 15 ára strákpjakki að gera glæfraæfingar á mótórhjóli? Hvaða rugl er þetta í gangi eiginlega?

Fótbrotnaði á báðum fótum

Morðhótun á umræðuhorni

Nú, það er aldeilis. Fyrrverandi umsjónarmaður Skákhornsins og núverandi áhrifamaður á bak við tjöldin hótar vini sínum morði á skákhorninu.

Ég er svo aldeilis hlessa!

Sennilega hefur golfið farið svona með hann.

zzzzzzzzzzzzzz hrota !"#$&%/(

Ég held ég hafi sofið illa í nótt en ég man það bara ekki...

Góður svefn getur eflt minnið

Ný íþróttagrein kynnt á Akranesi á laugardaginn

Hér er á ferðinni svokallað ÍA-at. Keppt er í tveimur greinum:

a) Gestir borga sig inn og fá að gera at í leikmönnum meistaraflokks ÍA

b) Gestir koma sér fyrir á íþróttavellinum og þurfa að hlaupa undan bandbrjáluðum leikmönnum ÍA, með Guðjón þjálfara og Stefán Þórðar í broddi fylkingar.

Í æfingu fyrir kynninguna mættu 20 tilraunadýr úr Borgarnesi og slösuðust sjö þeirra eftir tæklingar frá Stefáni og þrír þurftu að fara í eyrnaígræðsluaðgerð á Borgarspítalanum eftir samskipti við þjálfarann.

45 slösuðust í Pamplona

Man Utd að kaupa Aguero?

Ja, manni kemur Liverpool fyrst í hugann, enda spilaði Aguero með At. Madrid, þaðan sem Torres kom. Og Liverpool vantar einhvern í staðinn fyrir Gíraffann. En ég efast um að Liverpool hafi efni á Aguero, ef hann á að kosta 55 milljónir evra...er það ekki c.a. 40 milljónir punda?

En það á ekki að vera problem fyrir klúbbinn, sem ekki er Chelsea.

Arsenal hefur efni á Aguero og yrði hann mjög góð viðbót, einkum ef Adebayor færi til Milan eða Barca. Þetta er frábær leikmaður sem myndi sóma sér vel hjá Arsenal. Ungur strákur og efnilegur og passar vel inn í prófíl Wengers.

En Man Utd er þó líklegast, enda er buddan full, þrátt fyrir töluverða eyðslu á síðasta ári. Þar er líka tilfinnanlegur skortur á markamaskínu, einkum ef Ronaldo fer til Madrid. Þar er eiginlega engin alvöru "senior striker" nema Saha og hann er meiddur 11 mánuði á ári.

 

Ég vona að Aguero fari til Arsenal, en mig grunar þó að hér sé um að ræða Man Utd, miðað við fréttina. En síðan er auðvitað ekki hægt að útiloka Liverpool.

Allavega: Aguero myndi sóma sér vel í bestu fótboltadeild í heimi.

 

Agüero til Englands ?