Eldsneyti lækkar

Jæja allt í áttina. Þá erum við komin c.a. aftur um eina viku.

En það er ekki svo langt síðan að manni ofbauð þegar verðið fór í 150 kr. í sjálfsafgreiðslu. Nú er maður ánægður með verðið lækki niður í 170 krónur!

Ömurlegt

Eldsneytisverð lækkar

Með rokk í hjartanu!?

Úff, þetta hlýtur að vera sárt. Ég veit ekki um aðra, en mamma hefur nú bara rokkinn sinn í stofunni.

Er með rokk í hjartanu

Everest í lífi fótboltamanns

Já, hann spilaði ungur með Coventry og sló í gegn. Fór til Inter og var kominn "á tindinn". Síðan hefur leiðin legið niður á við. Maður hélt að botninum væri náð þegar hann gekk til liðs við Tottenham, og jú, þar var botninum náð, en nú er það Liverpool.

Ég skil ekkert í þessum skemmtilega leikmanni að vilja ekki frekar fara til alvöru liðs! En jæja, Liverpool er þó að vísu greinileg framför frá Spurs, en ef hann á að taka við af Crouch er spurningin  hvort betra sé að spila með Spurs eða vera á bekknum hjá Liverpool?

En grey strákurinn hefur auðvitað spilað það lengi með Spurs að ég held að hann eigi ekki viðreisnar von úr þessu.

Keane færist nær Liverpool

Góðar fréttir á leiðinlegum degi

Nú bíður maður bara eftir viðbrögðum olíufélaganna!

En a.m.k. er þetta góðs viti fyrir okkur bíleigendur, en betur má ef duga skal.

Olíuverð heldur áfram að lækka

Hafa ferðamenn slæm áhrif á dýralífið?

Ok, þá er kannski bara "umhverfisvænna" að draga úr ferðamannastraumi og reisa bara fleiri álver?

Áhrif ferðamanna á refi rannsökuð

Hættulegt að ríða nærri Selfossi

Ég skil ekki alveg hvers vegna "nærri Selfossi" er mikilvægt í þessum titli. Það er eins og að konan hefði ekki fallið af baki hefði hún t.d. riðið nærri Hvolsvelli?

"Féll af hestbaki" hefði dugað, en vá, þetta er stórfrétt auðvitað og spurning að senda hana á Reuters og láta birta fréttina á cnn.com og víðar.

En hvað eiga blaðamenn að gera þegar þeir ná ekki að grafa upp neinar alvöru fréttir.

Féll af hestbaki nærri Selfossi

Ruslakistan

Jæja, ágætt að hafa svona lið eins og Fulham í ensku úrvalsdeildinni, lið sem borgar ágætis pening fyrir leikmenn sem önnur lið vilja losna við.

 

Fulham fékk tvo frá West Ham

Íslendingar heilir

"Íslendingar heilir", segir titill greinarinnar. Ja, ágætt að Íslendingar séu almennt heilir. Ef Mogginn hefur rétt fyrir sér í þessu verð ég að lýsa yfir furðu minni með mikla skuldasöfnun Landspítalans, en greinilega þarf hann að halda úti mikilli starfsemi, þrátt fyrir að Íslendingar séu heilir.

Sumir Íslendingar eru reyndar hálfir, aðrir fullir, en allir erum við greinilega heilir, hvort sem okkur líkar það betur eða verr.

Miðað við ástand mitt akkúrat núna er ég greinilega ekki Íslendingur.

P.S. Viðbót: Jæja, Mogginn búinn að laga titilinn. Spurning hvort Mogginn ætti ekki að fara að borga manni fyrir að benda á vitleysishátt í fréttum blaðsins!

Íslendingar heilir

Hringrásin hafin

Jæja, Ronnie til Milan fyrir tæpar 15 milljónir punda. Barcelona mun nota þær til að borga út fyrir Adebayor (plús leikmann og/eða mánaðarlegar greiðslur) og Arsenal mun nota þennan pening, og peninginn fyrir Hleb til að kaupa Barry frá Aston Villa og Roque Santa Cruz frá Blackburn.

Eftir stendur, að lið allra þriggja verða betri en áður.

Ronaldinho til AC Milan

Jájá, en olíuverð hækkar samt á Íslandi

Eins og venjulega. En miðað við allt annað hljóta olíufyrirtækin nú að lækka verðið all hressilega.

En auðvitað kemur full lækkun ekki fram i verðinu hér, af einhverri "óviðráðanlegri ástæðu" sem olíufélögin munu töfra fram eins og venjulega.

Hráolíuverð hrynur