Uppreisnarmenn Al-Kæda að skipuleggja árásir?

Jæja, nú eru "uppreisnarmenn" (þetta er nýtt orð yfir terrorista) Al-Kaída komnir á stjá og berjast m.a. gegn yfirgangi vestrænna þjóða á Vesturlöndum, sem auðvitað eiga, skv. íslam, að taka upp íslamska trú og ganga á vegum Kóranins. Og það sem verra er, Vesturlandabúar þessir reka löggulið víða í hinum íslamska heimi, hernámslið í Írak, Afghanistan og víðar.

Al-Kaída rís upp gegn þessum yfirgangi Vesturveldanna í sjálfsvörn, semsagt, og ræðst gegn saklausum borgunum. Uppreisnarmenn þessir láta sér í léttu rúmi liggja, þótt þeirra eigið líf sé lagt á altarið. Þetta er heilagt stríð gegn Vesturlöndum, vestrænni menningu og þeim lífsgildum, sem vestrænir menn hafa jafnan í heiðri.

"Uppreisnarsamtökin" Hamas hafa samskonar stefnuskrá og skal því taka upp stjórnmálasamband við þau, amk að mati Norðmanna og íslenskra vinstri manna. En hvern skal senda sem sendifulltrúa Íslands til fjallgarðanna í Pakistan og Afghanistan, þar sem Talibanar og Al-Kæda hafast við?

Ég held að eini maðurinn, sem hafi víðtæka þekkingu á staðháttum þarna sé Ögmundur Jónasson. Ég held að það liggi beinast við, að skipa hann sendiherra í AlKædistans.

Al-Qaeda skipuleggur stórbrotnar árásir í sumar

Byssumenn og séra byssumenn

Skemmtilegt þetta hjá Mogganum, hvað snertir fyrirsagnirnar. Í gær eða fyrradag drápu Ísraelar palestínskan "uppreisnarmann", eftir að hafa svarað skothríð. Í dag láta lífið 23 uppreisnarmenn, eftir að "uppreisnarmenn" ráðast á bandarískt herlið. En þeir drepast síðan inni í fréttinni sjálfri.

Hundruðir eða öllu heldur þúsundir manna láta lífið á Íslandi á hverju ári, en aðeir örfáir og stundum engir eru beinlínis drepnir. Á þessu er stór munur. En á hinn bóginn átta ég mig ekki á, hvers vegna Bandamenn "drápu" byssumenn þessa, þeir virðast hafa fallið í bardaga.

En Mogginn má auðvitað taka afstöðu í deilumálum þjóða, en það væri samt ágætt að fá opinberaða hina uppgefnu stefnu blaðsins, svo maður geti lesið fréttirnar með hana í huga.

En amk er misræmið furðulegt hjá Mogganum og  ákveðinn ruglingur með hugtök í gangi.

23 uppreisnarmenn létu lífið í Írak

Getulausir unglingar?

Verða þá unglingar sérstaklega getulausir af hraðakstri?

Hraðinn drepur - getuna

Jórdanski læknirinn

Eftir þessa fáránlegu yfirlýsingu ætti Jórdaníukóngur öllu heldur að rannsaka pabbann eða jafnvel alla ættina, en að blanda sér í þetta mál í Bretlandi.

En hitt er annað mál, að sakleysis drengir (sem þessi læknir gæti svosem hafa verið) geta breyst í hryðjuverkamenn mjög auðveldlega. Til þess eru margir sannfærandi prédikarar í moskunum í Bretlandi.

Segir son sinn engin tengsl hafa við hryðjuverkastarfsemi

Kirkju stolið

Lútersku kirkjunni á Íslandi hefur verið stolið og eftirlíking sett í hennar stað. Finnandi er vinsamlegast beðinn að skila henni aftur til íslensku þjóðarinnar.

Stálu líkani af kirkju

Elementary, Ms. Watson

Hver er þessi stúlka eiginlega? Hvað þykist hún vera?

Ég hef engan áhuga á Harry Potter og hef því ekki hugmynd um hver þessi stúlka er. Amk efast ég um þetta barn þarna eigi skilið að fá einhverja stjörnumeðferð. 

 

Watson með stjörnustæla

Að drepa eða fella menn

"Hermenn Ísraelshers drápu palestínskan uppreisnarleiðtoga í skotárás á Vesturbakkanum í dag. Mohammed Abu el-Heija, yfirmaður öryggissveitar sem tengist lauslega forseta Fatah-hreyfingarinnar, var drepinn í Jenin flóttamannabúðunum. Talsmaður ísraelska hersins segir hermennina hafa verið að svara skotárás liðsmanna Fatah. "

Ok, ef þetta er rétt haft eftir, þá er atburðarásin svona. Ísraelsher svarar skothríð Fatah-liða eða öllu heldur Al-Aqsa sérsveitarmanna í Jenin, vísast eftir að hermenn voru komnir "óþægilega nærri" þessum manni eða öðrum foringjum. Ísraelar svara og maðurinn fellur í skotbardaganum.

Hvers vegna segir þá: "Ísraelsher drepur palestínskan uppreisnarmann"? Því ef ísraelskur hermaður hefði fallið í bardaganum, hefði vísast staðið, svipað og venjulega: "Ísraelskur hermaður fellur í bardaga við palestínska byssumenn" eða eitthvað svoleiðis.

Alltaf sama gamla Moggasagan: Ísraelar drepa Palestínumenn, Ísraelsmenn falla eða láta lífið af hendi Palestínumanna, svona svipað og ef þeir deyja úr elli eða í umferðarslysi.

Þetta gildishlaðna orðalag í titli fréttarinnar er því miður ekkert einsdæmi. Þannig er verið, vitandi eða óafvitandi, að kynda undir fordóma og óvild í garð annars deiluaðilans. Og svona hefur þetta verið eins lengi og ég man eftir.

En spurning, hvort Mogginn reyni ekki að samræma þetta, þannig að það verði standard orðalag um svona atburði?

 

Ísraelsher drepur palestínskan uppreisnarmann

Bragat: ótrúleg steggjun

Sjá einnig á http://x-bitinn.blog.is

 

 

Enn í síðari heimsstyrjöld

Ekki er ég hissa á, þótt slökkvibíllinn í Skaftárhreppi sé frá tímum seinna stríðs. Þá voru líka flestir íbúar hreppsins upp á sitt besta!

 

Slökkvibíllinn á Kirkjubæjarklaustri gafst upp

Mogginn lýgur þessu

Eða einhver annar.

"Ætlunin var að smygla tveimur skjalatöskum með sprengjum inn á skrifstofu foringjans en þegar það gekk ekki var hann líflátinn daginn eftir."

Þetta er merkilegt hjá Mogganum. Ég hélt alltaf að Hitler hafi lifað til 1945, þegar hann framdi sjálfsmorð, en ekki verið tekinn af lífi 1944, eins og Mogginn fullyrðir hér.

Það er af, sem áður var, þegar Mogganum var treystandi. En þetta er farið að verða þreytandi, að þeir sem skrifa á mbl.is séu svona óvandvirkir.

Faðirinn, sonurinn og Tom Cruise