Hundur Mourinhos rekinn úr landi!

Og meðalgreindarvísitalan lækkaði bæði á heimili Mourinhos í Portúgal og því í London.

Hundur Mourinhos sendur til Portúgals

3/1 stjórn í vændum?

Spurningin er núna, hvort Ingibjörg fái ekki svipaðan díl og Halldór Ásgrímsson síðast. Bæði fengu tilboð um forsætisráðherrastól í veikri vinstri stjórn skömmu eftir kosningar. Og Halldór fékk, á þeim grundvelli, að máta stólinn í ákveðinn tíma.

Mér þykir ekki ólíklegt að Ingibjörg fái sama díl. 6-6 (eða 5-5 síðar á kjörtímabilinu) ráðherrar meðan Geir er í forsæti, en 7-5 (6-4) fyrir Sjálfstæðisflokk þegar ISG verður forsætisráðherra, t.d. í eitt ár eða átján mánuði.

Hvað segja bændur við þessu?

Formlegar viðræður Sjálfstæðisflokks og Samfylkingar hafnar

Ólafur Ragnar veitir Geir stjórnarmyndunarumboðið

Jæja, þá er Geir kominn yfir fyrsta þröskuldinn. Þá er bara að klára dæmið.

Eftir að hafa horft á Kastljósið í gær, er alveg ljóst, að eina mögulega stjórnin er sú, sem hér er í pípunum. Og ef vel gengur tel ég mögulegt, að hún geti síðan haldið áfram, því mér sýnist svo, að forystumenn a.m.k. sumra annarra flokka hafi ekki aukið trúverðugleika sinn upp á síðkastið.

En fyndið, miðað við stórskotastríð VG og Framsóknar, að þessir flokkar verði nú í bræðrabandi stjórnarandstöðunnar (ef fram fer sem horfir).

Geir falið að mynda nýja ríkisstjórn

Sætastastelpustjórnin

Við Gunnar Björnsson höfum verið að setja saman ríkisstjórn. Hér kemur þetta!

 

Gunnar                                                          Snorri

Geir: forsætisráðherra Ingibjörg: utanríkisráðherra Árni Matt: fjármálaráðherra Ágúst Ólafur: dómsmálaráðherra Arnbjörg: landbúnaðarráðherra Kristján Júl: samgönguráðherra Þorgerður Katrín: heilbrigðisráðherra Björgvin: menntamálaráðherra Einar  K: Sjávarútvegsráðherra Össur:  Viðskipta- og iðnaðarráðherra Katrín:umhverfisráðherra Jóhanna: félagsmálaráðherra	Geir: forsætisráðherra ISG: utanríkisráðherra Árni M: fjármálaráðherra Ágúst Ólafur: félagsmálaráðherra Björgvin S: landbúnaðarráðherra Guðlaugur Þór: heilbrigðisráðherra Þorgerður Katrín: menntamálarh. Katrín: umhverfisráðherra Guðfinna:viðskipta- og iðnaðarrh Össur: dómsmálaráðh. Einar K: sjávarútvegsráðherra Möller. samgönguráðherra

Guðni sár og svekktur - ný ríkisstjórn?

Ég sá bitran mann í Kastljósinu í gær. Hann sagði, að Framsókn hefði verið svikin, bæði af fjölmiðlum og Sjöllunum.

Ég hreinlega átta mig ekki á því, hvað hann er að fara. Og heldur ekki hvað Skallagrímur er að fara um, að ekki hafi verið farið að leikreglum.

En segjum að til verði ráðuneyti D og S. Hvernig yrði það skipað:

Að mínum dóm ætti að hafa þetta svona, miðað við 6 ráðherra:

Sjálfstæðisflokkur: Geir, Þorgerður Katrín, Guðlaugur, Árni Math, Einar K, Guðfinna

Samfylking: Ingibjörg, Ágúst Ólafur, Össur, Björgvin S, Kristján Möller, KatrínJúl.

Ingibjörg Sólrún: VG vildi ekki mynda stjórn með Framsóknarflokki

Neinei, Steingrímur of vinstri sinnaður

Ég sé ekki fyrir mér, að þessi samstjórn Sjálfstæðisflokks og Samfó, verði hægristjórn, ef hún á annað borð kemst á koppinn. Hún er e.t.v. nokkur fet til hægri frá miðjupunktinum, hvar sem hann er. Hér eru að fara í stjórn aðeins-til-hægri hægri flokkur og aðeins-til-vinstri flokkur. Útkoman hlýtur að verða um það bil miðjustjórn.

Steingrímur: Stjórn Sjálfstæðisflokks og Samfylkingar allt of hægrisinnuð

Sætasta stelpan á ballinu?

Formlegar stjórnarmyndunarviðræður hefjast væntanlega á morgun

Ný stjórn framundan?

Ekki fæst betur séð, en að sú verði raunin. En spurningin er bara, hvort sætar stelpur séu enn þá á ballinu?

Vaxandi vantrú á framhald stjórnarsamstarfs

Kolbeinn til Arsenal?

Maður hlýtur að fagna þessu. Unglingaþjálfunin er til fyrirmyndar hjá Arsenal. Þarna getur efnilegur leikmaður eins og Kolbeinn orðið að góðum leikmanni.

Fjölmargir Íslendingar hafa farið til Arsenal: Albert Guðmundsson, Sigurður Jónsson, Valur Fannar og Stefán Gíslasynir, og Ólafur Ingi Skúlason. Og nú er röðin etv komin að Kolbeini.

Áfram Arsenal!

Arsenal vill fá Kolbein

Guðm. Magnússon líka hættur að blogga

Jæja, Guðmundur Magnússon hættur líka, Sigmar Guðmunds í gær.

Jæja, nú hafa Steingrímur Sævarr og Guðm. Magnússon ofurbloggarar báðir hætt á Moggabloggi við að vera ráðnir í vinnu hjá 365 veldinu. En af hverju hætti Sigmar? Er hann kannski á leiðinni yfir í Ísland í dag? Ok, áður en einhverjir fara að búa til samsæriskenningu, þá var hann bara kominn með bloggleiða.

Ég skil það svosem, ég fæ svoleiðis líka á stundum, sérstaklega maður fær yfir sig skammir og dónaskap fyrir að segja frá staðreyndum málsins, eins og t.d. hér í gær, þegar dónaleg kerling fór all in á mig fyrir að dirfast að segja frá því að Kolbrún Halldórsdóttir hefði fengið margar útstrikanir. Ég væri að ljúgja þessu, ég væri auli, osfrv. Áður hafði vinstrigræn kerling hafnað þessu líka og talið bull, án þess að geta hrakið þetta. Á slíkum stundum fær maður bloggleiða, sérstaklega þegar maður fær á sig svona skot, eins og frá þeirri fyrrnefndu. Nú bíð ég eftir að hún sendi mér afsökunarbeiðni, en ég býst þó alveg eins við að hún þegi þetta niður eða reyni að snúa sér út úr þessu með einhverjum hætti.

En jæja, uppstigningardagur. Þetta verður enginn frídagur hjá mér. Þarf að klára textavinnslu fyrir glænýja heimasíðu, dálítið umfangsmikla, sem verður "lönsuð" á morgun; verð að kenna non-stop frá því síðla dags og fram á kvöld, og er ekki enn orðinn góður af ristilbólgunni, sem hefur verið að gera mann brjálaðan síðan á laugardagskvöld.

Nú mega einhverjir hugsa hlýtt til mín...ekki veitir af.