Aldrey

Forðum hafði Morgunblaðið merkan fréttaritara í Skagafirði, Björn Jónsson í Bæ á Höfðaströnd. Hann var undir sterkum áhrifum frá náttúru landsins og skrifaði því jafnan "aldrey" í stað "aldrei", rétt eins og t.d. Drangey.

En þetta er annars merkileg sérviska nokkuð skondin. Hvað ef það væri einhvers staðar eyjan Aldrey, þar sem t.d. mætti geyma útbrunna þingmenn, sem ná ekki frama í prófkjörum eða kosningum?

Verkó og Héðinn Valdimarsson

Þá eru Verkamannabústaðir 75 ára.

Ég hef nú svosem ekkert sett mig inn í sögu þessarar starfsemi, en veit þó, að krafan um bættan húsakost hafði verið hávær innan ALþýðuflokksins allt frá stofnun hans. Það átti ekki síst við um og eftir fyrri heimsstyrjöld, þegar fjöldi sveitamanna fluttist í bæinn, en skorti húsnæði. Þá þurftu margir, sérstaklega nýkomnir, að búa í ömurlegum kjallaraholum, húsnæði sem var í raun óíbúðarhæft. En menn létu sig hafa það.

Bætt húsakynni voru kosningamál Alþýðuflokksins 1922 og síðan áfram. Verkamannabústaðirnir voru lausn á þessu, amk fyrir suma. Og, það sem meira var, íbúðirnar voru afar góðar og í raun með betri íbúðum þess tíma, þar eð ýmis þægindi voru þar, sem ekki voru alls staðar.

Spurning hvort Reykjavíkurborg geri ekki eitthvað til að minnast Héðins Valdimarssonar í þessu, en hann var helsti baráttumaðurinn að því, að Verkamannabústaðir komust á laggirnar.

75 ár frá því flutt var í verkamannabústaðina í Vesturbæ

Óheppilega orðaðar auglýsingar!

Fékk þetta sent áðan frá "kokknum", þ.e.a.s. Sigga Sverris, briddsara, músíkfræðimanns, með meiru. Ég hef reyndar séð þetta áður, eða svipað, en aldrei er góð "vísa"of oft kveðin.

 

*Óheppilega orðaðar auglýsingar*

 1. Sérstakur hádegisverðarmatseðill
 Kjúklingur eða buff kr. 600, kalkúnn kr.
 550, börn kr. 300.

 2. Til sölu: Antikskrifborð, hentar vel  dömum með þykkar fætur og stórar skúffur.

 3. Nú hefur þú tækifæri til að láta gata  á þér eyrun og fá extra par  með þér heim.

 4. Við eyðileggjum ekki fötin þín með
 óvönduðum vélum, við gerum það
 varanlega í höndunum.

 5. Til sölu nokkrir gamlir kjólar af ömmu  í góðu ástandi.

 6. Þetta hótel býður upp á bowlingsali,  tennisvelli, þægileg rúm og aðra íþróttaaðstöðu.

 7. Brauðrist: Gjöfin sem allir fjölskyldumeðlimir  elska, brennir brauðið sjálfvirkt.

 8. Ísafjarðarkaupstaður: Starfsmann vantar,  kvenmann, til starfa.

 9. Vantar mann til að vinna í dínamítverksmiðju.
 Þarf að vera tilbúinn til að ferðast.

 10. Notaðir bílar.  Því að fara annað og láta svíkja  sig.  Komdu til okkar!

 11. Vinna í boði fyrir mann til að hugsa um kú sem  hvorki reykir né drekkur..

 12. Ólæs?  Skrifaðu okkur strax í dag og við munum veita  þér ókeypis aðstoð.

Blekaðir ferðamenn!

Ég vil í þessu samhengi minna á það, hvernig íslenskir ferðamenn hegða sér erlendis, amk oft á tíðum. Þegar maður heyrir ferðasögur við heimkomuna eru þetta oft fylleríssögur meira eða minna.

Og síðan hefði ég gaman af því að fá að koma í heimsókn í saumaklúbb Ellýjar þulu vikuna eftir heimkomu hópsins frá sumarfríi á Spáni. Það yrðu rosalegar sögur af suðrænum karlmönnum og ýmsum rómantískum ævintýrum.

Einn fullur japanskur ferðamaður er bara dropi í hafið. 

Ölvaður ferðamaður fannst í Tjörninni

Reagan og Matthías

Jæja, þetta eru aldeilis þáttaskil í dagbókaútgáfu. Fyrst skellir Matthías ritstjóri sér fram á völlinn með dagbækur og fleira góðgæti. Þar er vísast margt skemmtilegt að finna.

Og í fótspor skáldsins kemur Ronald Reagan, eða öllu heldur erfingjar hans. Það verður nú gaman að lesa hvað forseti Bandaríkjanna hefur að segja um t.d. leiðtogafundinn í Höfða?

Dagbækur Reagans gefnar út

Sullenberger lætur vaða á Kaupþing

"Viðskiptasiðferðið á Íslandi er orðið þannig að menn eru keyptir til að þagna. Dæmi um það er að í lok ágúst 2002 var hringt í mig frá forstjóra Kaupþings og mér boðnir 2 milljónir dollara ef ég drægi málið til baka,"

Úff, þetta lítur ekki vel út. En vísast verður þetta "ekki svaravert", en mér finnst forstjóri Kaupþings ætti að svara þessu.

En þetta minnir svolítið á ónefndan fund í London, þar sem 300 milljónir íslenskra voru hugsanlega nefndar.

Jón Gerald: „Mikill léttir"

Var Guðjón Ólafur sá "seki" í stóra Jónínumálinu

Þær fréttir berast nú um bæinn, að það hafi í raun verið Guðjón Ólafur nefndarmaður, sem hafi tekið mál þessarar stúlku,sem orðin er fréttamatur, og troðið því í gegn, eftir að því hafði verið hafnað í nefndinni. Hann hafi semsagt tekið það úr "nei" bunkanum, og sett það í "já" bunkann, og með einhverjum aðferðum fengið hina nefndarmennina til að gangast við þessu. Og ætli Jónína hafi ekkert vitað af því...eða þá að hann hafi virkilega ekkert vitað um tengsl stúlkunnar við Jónínu? Spyr sá sem ekki veit!

Sumir, sem hafa sagt mér þessa sögu segja, að þetta standi í DV, og DV ljúgi ekki.

Ef þetta reynist satt, (sem ég veit auðvitað ekkert um fyrir víst) er ljóst að Framsókn þarf að svara hressilega fyrir þetta mál og mun það vísast hafa neikvæði áhrif á fylgi flokksins 12. maí.

En hvað er þetta með Framsókn? Er búið að fela Guðna Ágústsson?

Baugsmenn dæmdir sekir

Jæja, þá er málinu lokið, amk í bili, uns annar eða báðir aðilar, saksóknarar og sakborningar, áfrýja.

Sullenberger sleppur.

Baugsmenn fá skilorðsbundna dóma, ef ég hef rétt haft eftir úr fréttum á Bylgjunni.

Er þetta fair? Er þetta málamiðlun?

En er þessu ekki að ljúka?

Orkuveitan í góðum bissness!

Sagan segir, að Orkuveita Reykjavíkur hafi nú í hyggju, að hefja ræktun á lifandi dósaopnurum. Fyrirtækið hefur nú þegar samið um kaup á litlum afleggjara af þessu merka dýri og mun það verða kynnt fréttamönnum með sérstaklega virðulegri athöfn að kvöldi 12. maí, þegar fréttamenn hafa hvort sem er ekkert annað að gera.

Lifandi dósaopnari

Þreytt.is

Fer þessu máli ekki að ljúka? Orðið verulega þreytt.is

Byrgisrannsókn lokið