Er ekki nóg af skúrum sunnanlands?

Á "ættaróðali" mínu fyrir austan standa amk nokkrir skúrar, hálfónýtur, enda hefur jörðin verið í eyði síðan um miðjan áttunda áratuginn.

Skúrum spáð sunnanlands

Össur að missa það?

Jæja, nú hefur Össur heldur betur verið "tekinn", þ.e. "punk'd". Ég á nú ekki eitt einasta orð yfir framgöngu þessa manns, hvernig hann getur hagað sér og það aðeins nokkrum dögum fyrir kosningar. Hann fær hálfgert æðiskast yfir heimboði sjálfstæðismanna til háskólanema, þar sem ferð á Hverfisbarinn er innifalin, en gleymir því að Samfylkingin bauð þeim skömmu áður, og það á sama rúntinn. Af hverju var þetta í lagi, þegar Samfó gerði þetta, en siðspilling, þegar Sjálfstæðisflokkurinn gerir þetta.

Samfó hefur hækkað í fylgi upp á síðkastið, m.a. vegna þess að flokkurinn hefur rekið jákvæða kosningabaráttu, Ingibjörg hætt að nöldra og farin að brosa, og Össur hefur verið minna áberandi en áður. Ef Samfó fer aftur niður núna, má búast við að Össur verði ekki vinsæll hjá krötunum 13. maí.

En það er greinilegt að Össur ætlar ekki í stjórn með Sjálfstæðisflokknum næsta kjörtímabil. Og jafnvel þó hann vilji, er ekki víst að hann fái. Svona samstarfsmanni er ekki hægt að treysta, því miður.

Hljóðfæraflutningur á almannafæri?

"Þetta er fólk frá Austur-Evrópu, karlmenn sem hafði stundað hljóðfæraflutning á almannafæri og gisti gjarnan í almenningsgörðum. "

Til hvers var þetta fólk að flytja hljóðfæri á milli staða? Vona að það hafi ekki þurft að halda á píanóum á milli sín inn í Hafnarfjörð, t.d.

Enn tekst Moggamönnum að gera þetta skemmtilegt! :)

Gista sjálfviljugir í fangaklefum lögreglunnar

Hinn íslamski Mikki mús!

Hvað eru þetta margar helgar?

"Helgi skipaðir safnstjóri Náttúruminjasafns" og "hefur skipað Helga Torfasonar í embætti safnstjóra Náttúruminjasafns Íslands til fimm ára".

 

Hmm, jæja, svona ganga víst kaupin á Moggaeyrinni.

Helgi skipaður safnstjóri Náttúruminjasafns

En hvað með Háskólann í Reykjavík?

Skaffaði ekki R-listinn, sem VG og Árni Þór áttu sæti í, Háskólanum í Reykjavík lóð þarna á svæðinu með umdeildum hætti?

Er semsagt verið að gera upp á milli háskóla? Eru Vinstri grænar ekki mjög áhugasamar um menningu og list?

Segir úthlutun lóðar til Listaháskóla hneyksli

Skemmtileg auglýsing Frjálslynda flokksins?

Arnar Erwin Gunnarsson, alþjóðlegur skákmeistari, vakti athygli á skemmtilegri auglýsingu "Frjálslynda flokksins" (?) á umræðuhorni skákmanna. Ég get ekki á mér setið að benda á hana hér á blogginu:

http://siminn-http.straumar.is/static.bolungarvik.is/xF.wmv

Leiðréttingarpúkinn

Að mínu mati ættu blaðamenn Mbl og mbl.is endilega að notast við þetta forrit. Ekki er vanþörf á.

 

Leiðréttingapúki á blog.is

Sjálfstæðisflokkur og Samfylking bæta við sig fylgi

Jæja, þá er lokaspretturinn hafinn. Sjálfstæðisflokkurinn mælist nú einu sinni enn með yfir 40% fylgi. Flokkurinn hefur verið stöðugur í um eða yfir 40% nær alla kosningabaráttuna. Spurning hvort stöðugleiki fylgisins sé ekki merki um, að flokkurinn muni amk ekki missa mikið frá þessari tölu þegar talið verður upp úr skoðanakönnuninni 12. maí, þeirri sem öllu máli skiptir.

Samfylkingin er á uppleið og hefur haft nokkurn stíganda eftir að Ingibjörg hætti að nöldra og fór að tala pólítík. Þar hafa ímyndarsérfræðingar Samfó aldeilis skilað sínu. Plottið er rétt hjá þeim núna; beita jákvæðri kosningabaráttu, en ekki bara benda á það sem flokkurinn telur, að aðrir hafi gert rangt og jafnvel ausa auri þá, sem tekið hafa stjórnvaldsaðgerðir.

En meðan Ingibjörg hefur róast, hafa leikar verið að æsast hjá VG. Steingrímur kemur nú fram sem reiður foringi, sem þolir ekki gagnrýni og eys skömmum yfir þá, sem dirfast að spyrja óþægilegra spurninga. Og síðan kom til, að Sóley fór einu sinni of oft í sjónvarpið. Fylgið hefur dalað allar götur síðan.

Framsókn er hrunin. Nú þarf Jón Sigurðsson á kraftaverki að halda. En einhvern veginn held ég að þjóðinn sé tilbúin að kjósa Zero Framsókn hinn 12. maí. Framsókn hefur ekki náð að hrista af sér spillingarstimpilinn. Afleiðingin verður afhroð, ef eitthvað er að marka skoðanakannanirnar.

Frjálslyndir eru komnir með 4 menn inn eins og í síðustu kosningum. Þeir eru á uppleið og gætu alveg eins bætt við sig fimmta manninum. Þá er skyndilega kominn upp sá kostur, að ef Sjálfstæðisflokkurinn fær 27-28 menn, að mynda hægri stjórn í vor, án félagshyggjuflokkanna.

Zero sósíalismi...Zero samvinnuhyggja!

Og grínframboð Ómars þykir greinilega ekki fyndið á landsvísu. EN hvar er þetta 15% fylgi, sem Ómar taldi sig eiga?

Samfylking og Sjálfstæðisflokkur bæta við sig fylgi

Fly Emirates!

 Sjá mynd:

Flugfélag SAF pantar 4 A380 risaþotur