Batnandi manni er best að lifa?

Jæja, Ólafur vildi ekki hitta Peres, en hittir nú Abbas. Batnandi manni, þ.e. Ólafi, er best að lifa. En sniðugt að senda Dorrit burtu á meðan, svo þau myndu ekki hittast, Ísraelinn og Palestínumaðurinn! :)

En kannski hefði "summit" DM og MA getað orðið upphafið að íhlutun Íslendinga í málefni Miðausturlanda.

Og síðan furðar mig að Elías Davíðsson skuli ekki þetta skiptið vilja leggja fram pening fyrir einhverja sem hefðu áhuga á að "hafa hendur í hári" Abbasar.

Abbas kominn til landsins

Efnavopna-Alí

Merkilegt að sjá að þessi blóðþyrsti glæpamaður skuli væla yfir því að fá ekki að velja sér sjálfur fangabústað sinn.

Þetta er maður sem hefur fyrirgert öllum rétti sínum til mannlegrar reisnar. Hann má mín vegna deyja eins og hundur.

Efnavopna-Alí í hungurverkfalli

Tveir prestar ásakaðir um barnaníð!?

Horfði um daginn á hluta heimildamyndarinnar "Deliver Us from Evil" um barnaperraskap í kaþólsku kirkjunni. Mér varð óglatt. Ekki gott ástandið á þeim bænum. En nú fer sá lúterski sömuleiðis undir smásjána.

Tveir íslenskir prestar eru nú í þessum töluðu orðum undir ásökunum um barnaníð. Í Íslandi í dag birtist umræða um ásakanir Doctors E í hans garð. Ég skil það mál reyndar ekki alveg og á eftir að horfa betur á dæmið. En ég verð þó að segja að ég efast um að ásakanir Doctors E eigi við einhver rök að styðjast, ef rétt var eftir honum haft.

Síðan er hinn hempurúni klerkur Torfi Stefánsson að fá svipaðar ásakanir í kommentakerfi Birgittu, þar sem hann er sakaður um að níðast á börnum.  Ég hef þekkt Torfa lengi og yfirleitt bara af slæmu. Ég skal viðurkenna að hann er í mínum huga einn andstyggilegasti maður sem ég hef kynnst og hefur hann verið rekinn út af mörgum, ef ekki flestum, spjallsíðum landsins fyrir ýmsar sakir. En þetta held ég að sé hreinasta bull....og vonandi mun viðkomandi bullari gera grein fyrir máli sínu.

Draumaríkið

Æjá, nú þyrfti Skúla Skúlason að vera hérna.

Konum meinað að fullorðnast í Sádi-Arabíu

Rigningasumar í vændum?

Nei takk. Vonandi fara gróðurhúsaáhrifin að rugla kerfið svo það verði hlýtt hér jafnframt því að hlýtt verði á Norðurlöndum

25 stiga hiti og sól?

Já takk.

Hlýindi í kortunum í sumar?

Gaman, gaman

Húsnæði lækkar samtímis því að dýrara er að reisa það.

Ég vitna nú bara í Þorstein Þorsteinsson markaðsstjóra: "Það kostar"

Byggingarvísitala hækkar mikið

Ekkert merkilegt

Þessi gjörningur hefur m.a. verið stundaður á Alþingi eins lengi og elstu menn muna.

Lygar sem listaverk

Dáleiðsla gegn sársauka

Þessi maður gæti gagnast vel í þinginu enda sumir þingmenn greinilega sársaukavaldandi.

Dáleiddi sjálfan sig fyrir skurðaðgerð

Hafnað boði um hlutverk í Hringadróttinssögu

Já, ég hafnaði líka hlutverki, því ég átti sko að leika í erótískum sennum með Umu. En þar sem hvorugt okkar vildi vera með, þá var þetta bara klippt út úr handritinu

Hmm, ok, jæja, en ég get ekki horft á þetta heldur, því þegar ég sé suma karakterana þarna finnst mér ég vera að horfa í spegil að morgni dags.

Getur ekki horft á Hringadróttinssögu

Yndislegt veður

Vaknaði snemma í gærmorgun og tók pápa með í skottúr austur í Skaftárhrepp. Rúntuðum aðeins, stoppuðum hjá Herði í Efri-Vík og heimsóttum leiði ömmu og afa í Prestbakkakirkjugarði. Og veðrið var dásamlegt; heiðríkja, sól og nánast logn. Yndislegt!

 Svona á þetta að vera.

 

P.S. Ótrúlega mikill snjór þarna austurfrá. Maður man ekki annað eins. Og Mýrdalur nánast hvítur enn!!

Hæglætisverður á landinu