Umhverfisverndarvitleysingar enn og aftur

Þýskur hermaður, í lok seinna stríðs, gaf sig fram við stjórnstöð Bandamanna og sagðist vera sekur um stríðsglæpi. Bandamenn voru hissa á þessu, því jafnan þurfti að hafa nokkuð fyrir því að finna svoleiðis menn. En jæja. Hann var settur í steininn og yfirheyrður að nokkrum tíma liðnum.

Þá kom í ljós, að maður þessi var óbreyttur hermaður, sem hafði sjálfur ekki framið nein voðaverk, heldur barist við aðra vopnaða menn. Þegar hann var spurður, hvers vegna hann hafi játað þetta á sig sagði hann eitthvað á þessa leið:

Hefðu menn eins og ég ekki barist fyrir Föðurlandið, hefðu öfgamennirnir ekki getað framið stríðsglæpi sína gegn óbreyttum borgurum.

Þetta er eflaust ekki nákvæm saga, heldur byggð á minni. En hún hefur boðskap. Jafnvel þótt "óbreyttir hermenn" séu að "gera skyldu sína", er það í þeirra skjóli, að glæpamenn komast upp með voðaverk sín -- eða hvaða lögbrot sem er.

Ég held að staðreyndin sé, að úr stórum hópi fólks, sem er að fylgja göfugum hugsjónum og sannfæringu sinni um, hvað sé föðurlandinu hagstæðast, koma alltaf ákveðnir öfgamenn, sem ganga lengra.

Umhverfisverndarfólk, sem talar gegn álversstækkun í Straumsvík, ber þó vitaskuld enga ábyrgð á verkum svona vitleysinga, eins og þessara Frelsissamtaka jarðar, en það verður að muna, að í skjóli þeirra dafna öfgarnar.

Segjast hafa skemmt vinnuvélar í mótmælaskyni

Sjálfsmorðssprengjumaður stöðvaður

Jæja, enn einn sjálfsmorðssprengjumaðurinn var stöðvaður, skv. fréttum frá því í gær. Málavextir voru þeir, að Shin Bet, innanríkislögreglu Ísraels, barst njósn af því, að sprengjumaður hefði komist inn í Ísrael með varning sinn. Maðurinn var síðan fundinn.

Mér finnst alltaf jafn skrítið að sjá, að Shin Bet (eða Mossad) skuli hafa heimildarmenn jafnvel í innstu hringjum palestínskra hryðjuverkahópa.

Ja, nú hefði Byrgið komið að notum!

Ef það væri enn til, hefðum við getað lagt okkar fram til að hjálpa stelpunni! En spurning að senda Gumma Jóns þanagð út, just in case.

Britney Spears farin í meðferð

Pólítískur vandi

Kyprianou sagði að ESB hefði komið á eftirlitskerfi sem ætti að tryggja að slík blöndun ætti sér ekki stað, en vandinn við að aflétta banninu væri pólitískur fremur en vísindalegur.

Hafa ber í huga, í þessu samhengi, að allur vandi ESB er pólítískur. Þetta samband er samansafn margra aðila, sem allir vilja vernda sína hagsmuni og sérstakar áherslur. Ekki svo ólíkt Samfylkingunni? Þar er vandinn líka fyrst og fremst pólítískur.

 

Umhverfisráðherra vill að vísindaleg sjónarmið og rök ráði hjá ESB

Varla svo óvænt afstaða

Hamas vonar að afstaða Bandaríkjanna mýkist gagnvart myndun samsteypustjórnar

Meintur hryðjuverkamaður gómaður á Íslandi

Já, það voru einmitt svona terroristar, sem Frjálslyndir voru að tala um á Alþingi nýverið. 

Í gæsluvarðhaldi vegna gruns um smygls á 4 kílóum af kókaíni

Öll dýrin í Bónus eiga að vera vinir

Spurning hvort Grísinn og Lilli klifurmús hafi ekki komist að samkomulagi. En svo var ekki í þessu myndbandi, þar sem milljónir músa réðust á bændabýli í Ástralíu. Og við kvörtum yfir einni?

 

Kartöflumús í Bónus?

Benitez að hætta hjá Liverpool?

Og ætlar að gerast lögga! Ja, hann yrði fínn í umferðareftirlitið, gæti sektað tugi manna á einu bretti og farið létt með það!

Benítez sagður hafa sektað 15 leikmenn

Coleen

Jahérnahér. Til hvers í ósköpunum er verið að gefa út ævisögu stúlku þessarar, sem er aðeins um tvítugt og hefur ekkert afrekað um ævina, aðeins verið í sambandi við skapvondan fótboltastrák?

Og já, verslunarferðir róuðu hana niður. Einmitt, hún hefur þá verið á barmi taugaáfalls, svona eins og Britney, ef tekið er mið af því, að hún nær heldur heilum verslunarhverfum gangandi með taumlausi eyðslu.

Það hefði verið einfaldara og ódýrara fyrir Rooney, að díla bara við mellurnar og gera sumar þeirra "fulltime".

Unnusta Rooney tjáir sig um vændiskonumálið

Sleggjan í 2. sætið!

Jæja, þá er það orðið opinbert. Sleggjan verður í 2. sæti Frjálslyndra í norðvestri, í því sæti, þar sem Sigurjón goði áður sat og hélt sín þingblót.

En stærsta spurningin er, hvort Kiddi sleggja taki með sér grasrótarfylgi frá Framsókn? Grasrótin sú virtist vera útnöguð af rollum í eigu Guðna bónda og ólíklegt að þar vaxi mikill gróður frekar.

Persónulega tel ég ólíklegt að Frjálslyndir fái nema í mesta lagi einn þingmann í norðvestri. Guðjón Arnar ætti þó hugsanlega að sleppa inn, með sameiginlegt persónufylgi sitt og Sleggjunnar að baki. Og það er alls ekki víst, að um kjördæmakosningu verði að ræða.

Því er alveg eins víst, að Kristinn H. Gunnarsson verði varaþingmaður á næsta kjörtímabili.

En með því að Kristinn gekk formlega til liðs við frjálslynda lokaði leikmannaskiptamarkaðnum að þessu sinni. Og það voru frjálslyndir, sem voru í hringiðu átakanna: þeir misstu tvo þungavigtarmenn og fengu tvo; einn reyndan kappa og aula nokkurn, sem heldur víst að dópsalar séu terroristar.

En ég vona þó, að landsmenn losni þingræðið við þennan stjórnmálaflokk í næstu kosningum.

Kristinn í 2. sæti hjá Frjálslyndum í Norðvesturkjördæmi