Eru Hamas-liðar að missa völdin á Gasa?

Nei, varla, meðan þeir eru einráðir um vopnaburð (ásamt bandamönnunum í Islamic Jihad). En stuðningur við þetta óaldarlið fer minnkandi og kemur ekki á óvart.


Í gær var ég að lesa, að Hamas liðar væri tilbúnir (að því að talið er í samvinnu við Hizballah) að hrifsa völdin á Vesturbakkanum ef Ísraelsher færi þaðan, t.d. í tengslum við "friðarsamninga". Hamas ræður nú yfir vel þjálfuðum her á Gasa, þjálfuðum í Íran, Sýrlandi og víðar (amk foringjarnir), já og hjá Hizballah.Ekki líst mér á þann gjörning. Hamas liðar á Gasa segjast tilbúnir, en eru þeir það í raun, þegar framferði þeirra er farið að vekja almenna andúð, jafnvel meðal fólksins á Gasa, sem mætti til að heiðra látinn foringja sinn, sem hefði tekið að erfðum amk stærsta hluta Gasa, hefði stríðið ekki brotist út 1948.

En merkilegt að hér á Íslandi njóti Hamas stuðnings, m.a. á alþingi. Og síðan var Sveinn Rúnar að fara til Gasa um daginn til að heiðra Hamas gengið með nærveru sinni....úff, eins gott að honum var ekki hleypt inn. Hann hefði getað lent beint í átökunum og maður veit aldrei hvað getur gerst í svona kringumstæðum.

En svona ganga kaupin á eyrinni.

Stuðningur við Hamas fer dvínandi á Gasasvæðinu

Endurunnir smokkar

Jæja, spurningin er, hvort menn vilji nota þetta aftur? Í fyrsta lagi er það ógeðslegt, í öðru lagi heilsuspillandi og í þriðja lagi ótrúlegt, að nokkur skuli nenna að endurvinna smokka.

En hafi einhverir áhuga á þessu efni, getur maður svosem bent á eftirfarandi slóðir! 

http://www.news.com.au/heraldsun/story/0,21985,22752112-663,00.html
http://www.china.org.cn/english/China/231678.htm
http://www.chinadaily.com.cn/china/2007-11/13/content_6251535_2.htm
http://www.news.com.au/dailytelegraph/story/0,22049,22751975-5013605,00.html

Endurunnir smokkar sagðir heilbrigðisógn í Kína

Ferðaglaðir Íslendingar

Þetta kemur ekki á óvart. Þrátt fyrir hátt matarverð og okur á ýmsum sviðum, virðist fólk eiga til nægan pening (eða ljúfa útibússtjóra) til að vera á stöðugu flakki.


Ég hef aldrei farið í sumarfrí á ævi minni og sé ekki eftir því. Ég fatta ekki snilldina í því að liggja flatmaga og þunnur á sólarströnd.

En frí til borga eins og Prag, Parísar, Lundúna - eða til landa eins og Ísraels/Jórdaníu, S-Afríku, Kína og svoleiðis, það er mun meira skiljanlegt. Hvað þá Suður-Ameríku, sem er auðvitað argasta snilld!

Ferðagleðin aldrei meiri

Upphaf sykursýki

Jahérna, þá er það klárt. Sykursýkin er upprunnin frá Mið-Ameríku.

Gamalt súkkulaði

1000

Jæja, þá er það komið, 1000asta mark Arsenal í Ensku úrvalsdeildinni. Það kom í kvöld, þegar Emmi Adebayor skoraði annað mark Arsenal, 2-0, í 3-1 sigri á Reading, sem hafði Ívar Ingimarsson og Brynjar Björn Gunnarsson (gult spjald!) innanborðs.


Fabregas auðvitað maður leiksins, hvað annað!


Arsenal er því komið heim, í 1. sætið, eftir að hafa leyft Man Utd að sitja þar smástund.


Nú er bara að halda haus drengir og klára dæmið.

Arsenal endurheimti toppsætið

5 drepnir eða látnir?

Miðað við hefðbundna orðnotkun Mbl.is á því, þegar fimm almennir borgarar á Gasa fara yfir móðuna miklu, ætti að standa hér: "Öryggissveitir Hamas myrða fimm óbreytta borgara."

Þessir fimm almennu borgarar gerðu meira en að látast, eins og þeir hefðu látist úr hjartaáfalli. Þeir voru drepnir af Hamas liðum.

Á Ítalíu lést óbreyttur borgari þegar skot hljóp úr byssu lögreglumanns og Ítalir eru miður sín. Á Gasa skjóta Hamas-liðar fimm óbreytta borgara og engin eftirmál.


Hmmm...

Fimm skotnir til bana á Gaza

Mun Liverpool rétta úr kútnum?

Nú þegar Rafa er farinn að setja Crouch meira inn á, og jafnvel í byrjunarliðið!

Maður óttast innst inni, að liðið sem er einna sterkast á pappírnum fari nú að vakna til lífsins, t.d. með því að kaupa sér hafsent, eða þá setja Stóra slána meira inná.

En það þarf þó ekki endilega að vera, að svo verði, því fleiri draugar hvíla yfir Liverpool en bara ofangreindir, t.d. hefur félagið ekki unnið dolluna frá því fyrir 1990!

Benítez ánægður að Torres var ekki valinn í landsliðið

Vísindamenn reyna að þýða...

...hvala.blog.is

Já, mig hefur lengi grunað, að íslenskan hjá mér væri ekki nógu góð. En Jeremías minn. Ekki datt mér í hug að það þyrfti hóp vísindamanna til að leiðrétta bullið í mér.

Vísindamenn reyna að þýða söng hvalanna

Rosaleg barátta á Svíanum

Mr. Gustavsberg stóð sig vel, þar sem ég settist á skálina. En þegar átökunum var lokið, blasti við mér

Ég hef lítið vit á fallegu kvenfólki

Eða það sýnist mér a.m.k. af þessu. Mér finnst þessi Kanadastelpa svosem OK, en ég fæ ekki séð hvað hún hefur fram að færa til að hljóta þennan titill (sem að vísu er ekkert voða merkilegur).


Kannski erum við Íslendingar bara svo góðu vanir, enda horfum við á konu, sem a.m.k. miklu fallegri en þessi stelpa frá Kanada, á hverju laugardagskvöldi í sjónvarpinu.

Ungfrú Kanada fallegust