Kolbrún strikuð út! En af hverju?

Jæja, Kolbrún Halldórsdóttir var strikuð út í massavís. Það kemur mér ekki á óvart. Ég ræddi við einn VG mann um þetta og sagði hann, að hann hefði strikað hana út, hefði hann haft tækifæri til. Ástæðan er sú, að Kolbrún (eða "Kolbún", ef stafsetning frjálslyndra er notuð!) væri ekki í raun sósíalisti, heldur tækifærissinnaður umhverfissinni, femínisti sem ætti frekar heima hjá Ómari en VG.

Hann bætti síðan við: af hverju heldurðu að "Lilja vinkona þín hafi verið sett í vonlítið baráttusæti í Kraganum"? Jú, af sömu ástæðu. Hún sé fyrst og fremst umhverfissinnaður femínisti, en ekki alvöru sósíalisti eins og t.d. Álfheiður Ingadóttir og aðrir afkomendur gamla Sósíalistaflokksins. Hvorki Kolbrún né Lilja væru í náðinni hjá gamla flokkseigendafélagi Allaballa. Hann bætti við, og sagði eitthvað í þessa veru:

"En við þurfum að hafa þessar konur áberandi til að staðfesta einhverja femíníska ímynd, sem foringjarnir vilja láta auglýsa, græn-bleik Pótemkín tjöld."

Hann sagði síðan það, sem ég hef oft heyrt áður: "Meira rautt, minna grænt"! Og bætti við: "Settu þetta nú á bloggið þitt strákur. En segðu engum hver sagði þetta!"

 

Athugasemdir

[Helgi Viðar Hilmarsson, 14.5.2007 kl. 10:44]

Er VG heimildarmaður þinn að afhjúpa leiktjöldin?  Varla er það flokki hans til framdráttar.

[Jenný Anna Baldursdóttir, 14.5.2007 kl. 10:54]

Heimildarlausar kjaftasögur eru ekki vatnsvirði.  Bölvuðekkisens vitleysa er þetta!

[Snorri Bergz, 14.5.2007 kl. 10:59]

Nei, Helgi, hann er fúll yfir þessu með femínistaforkólfanna. Vill sennilega bara hafa alvöru vinstri flokk, rauðan inn að beini.

[Guðrún Olga Clausen, 15.5.2007 kl. 19:13]

Þú ert eina "heimildin" sem ég hef séð um að Kolbrún hafi verið strikuð út "í massavís". Vona að þetta séu álíka öruggar heimildir og þú hafðir þegar þú ákvaðst að það hefði verið framið morð í Hveragerði fyrir nokkru. Ábyrgðarlaus skrif eru fremur hvimleið. Það er ekki fótur fyrir þessu bulli.

Olga Clausen, Hveragerði.

[Snorri Bergz, 15.5.2007 kl. 19:24]

Ég hef þetta frá öruggri heimild. En gaman að sjá hvað þú ert málefnaleg. Nú ert þú sek um það sama og þú ásakaðir mig um hér áður. Vonandi sefurðu vel í nótt.