Byrjar vel

Framarar yfir í hálfleik. Fram hefur ekki tapað í sumar eftir að hafa komist yfir. Nú er bara að taka þá rauðröndóttu og síðan þá svartröndóttu í næsta leik.

En jæja, með sigri núna komast Framarar 5 stigum yfir KR og komið fram í ágúst. Æ, ég veit ekki hvort maður þori að ná í saltið strax...kannski betra að bíða aðeins.

Jafntefli hjá Þrótti og Fram

Athugasemdir

[Pétur Orri Gíslason, 10.8.2008 kl. 20:24]

Vá hvað mér finnst einhvern veginn aldrei neitt vera að gerast í leikjum FRAM-ara samanber textalýsinguna hér á mbl.is.

[Snorri Bergz, 10.8.2008 kl. 20:36]

 Það er agalegt að íslensku liðin skuli alltaf leggjast í vörn gegn Fram, svo úr verða leiðinlegir leikir.

En hafa skal í huga, að þjálfari FRAM spilaði með ensku liði á tíma þegar það var í tísku að lauma marki og leggjast svo í vörn.

[Pétur Orri Gíslason, 10.8.2008 kl. 20:40]

Já og um leið og ég opnaði trantinn á mér þá fór textalýsinginn á fullt. Vel gert.

[Snorri Bergz, 10.8.2008 kl. 21:03]

Þegar ég var í námi í Englandi 1992 var Toddi að spila með Forest. Ég naut þá þegar góðs af því að vera "Bergsson", en ég og samnemandi minn, Steven Lineker (bróðir Garys ofurstikers) í sögunni nýttum okkur nafnið! Ég er að vísu ekkert skyldur Guðna, sem þá spilaði með Spurs, en strákarnir þarna héldu það og sáu einhvern svip með okkur. Ég leyfði þeim þá bara að halda það.

En vegna þessa fékk maður miða á leiki hjá Leicester og boð "backstage". En ok.

Þarna var líka strákur frá Nottingham. Hann var helsjukur fan og dáði m.a. Todda Örlygsson. Hann hafði mjög skemmtilega röksemd: allir Íslendingar eru skyldir vegna fámennis og einangrunar. Þú ert greinilega skyldur Todda og var því merkilega vinsamlegur.

Vinsemdin fölnaði þó þegar hann komst að því að þáverandi "vinkona" mín væri náskyld Emlyn Hughes, Liverpool-leikmanni (nýlátinn ef ég man rétt) og hafði mamma hennar mynd af fræga frændanum ofan á arinhillunni. Systkinabörn skilst mér. En jæja.

Svona getur heimurinn verið vondur.

[Pétur Orri Gíslason, 11.8.2008 kl. 02:34]

Já það er nú fræg líka sagan þegar Þorvaldur kom fyrst til Forrest og var að spila sinn leik. Þá kom hann í búningsklefann og Brian heitinn Clough hendir út treyjunum. Heldur svaka ræðu og allir ætla út á völl. Þá á Þorvaldur víst að hafa spurt að því hvar hann ætti að spila og ekki stóð á svari hjá Clough: "Númer hvað ertu?". Þorvaldur: "Uhh númer 8". Clough: "Þá spilarðu á miðjunni vitleysingurinn þinn!".

[Snorri Bergz, 11.8.2008 kl. 07:37]

Hehe, góður. Snilld. Bretarnir láta ekki að sér hæða.

En bömmer að hafa látið Þróttara stela 2 stigum af sér þarna í gær.