Ný landategund komin á markaðinn

Nýi landinn, sem ber hið sunnlenska nafn Ráð, hefur verið bruggaður í nokkrum afdönkuðum fjárhúsum í sveitum Árnes- og Rangárvallasýslna.

Greinilegt að bændur og búalið i þessum sýslum hefur sameiginlega staðið að þessu Ráðabruggi.

Sektaður fyrir landabrugg

Athugasemdir

[Snorri Bergz, 11.3.2008 kl. 13:19]

Ég hef aldrei tekið þátt í neinu stjórnmálastarfi, svo ég veit ekki hvað menn brugga á ungliðafundum eða á hærri stigum.

En brugg er lögbrot, sé verið að brugga fyrir aðra en eigin smáneyslu. Annars er ég ekki lögfræðingur.

En einstaklingsfrelsið takmarkast af lögunum, að mati hægri manna, að ég held. En það er skárra en viðhorf vinstri manna, sem vilja í teoríunni að einstaklingsfrelsið sé ekki til staðar.

Annars gæti ég verið á leið í Samfylkinguna, en þegar ég rakst á Össur í gær sagðist hann ekki hætta fyrr en ég væri kominn í Samfó. Ég sagðist þess í stað ekki hætta fyrr en Össur héldi áfram hægri vegferð sinni og færi í Sjálfstæðisflokkinn. Síðan komu menn með þá hugmynd, að við myndum skipta, amk til reynslu í nokkra mánuði. Hann yrði nöldrandi bloggari með hægri slagsíðu og aulahúmor, en ég yrði ráðherra fyrir Samfylkinguna.

[Elís Traustason (IP-tala skráð) 11.3.2008 kl. 15:19]

Er hann ekki blogg-nöldrari fyrir, þannig að ráðherra-titillinn er í raun eini munurinn á ykkur ;-P

[Snorri Bergz, 12.3.2008 kl. 07:39]

Ýmis munur á okkur. Ég sef á nóttunni.